影片
更多
2022-06-12
154 瀏覽
🦐燕麥金沙蝦球 $98呢個組合深深吸引到我 但又怕燕麥同鹹蛋黃會乾但見到係屬於特別推介之一就放膽試試蝦球肉質爽彈無雪味 外面裹著鹹香嘅鹹蛋黃再鋪咗滿滿嘅燕麥片喺表面 成件事意外哋夾😍絕對係我今餐嘅No.1🏆🐽楚撚記原隻脆皮炸豬手 $138份量大大碟 而且上枱時熱辣辣豬皮偏向硬脆豬手肉又嫩滑多汁碟旁邊附上泰式雞醬同蜜糖芥末醬如果想口味上更多變化可以自行點 但我覺得單食食翻豬手嘅原汁原味就最好味！🐮蜜椒薯仔牛柳粒 $98牛柳粒鬆軟煮得好淋份量又多醬汁味道濃郁黑椒味重但唔會好辣除咗有牛柳粒之外仲有大量洋蔥 紅青椒 薯仔特別講講個薯仔每粒都切到細細粒質地唔係軟爛而係硬硬地有咬口嘅 好欣賞佢每樣食材都超級入味！🍍拔絲咕嚕肉 (梅頭) $99呢款咕嚕肉選用咗梅頭肉 無骨做到啖啖肉帶點肥膏所以肉質軟稔有豬肉油香味醬汁緊緊包裹著咕嚕肉所以偏向乾身唔會濕立立味道酸酸甜甜配搭金黃色甜甜嘅拔絲更上一層樓🍲濃湯海鮮粉絲什菜煲 $89每次食大排檔都必點粉絲什菜煲因為佢看似簡單但每間味道都會有少少唔同～呢度嘅湯底超級出色 我哋除咗食菜之外都不停不湯奶白色嘅湯底帶有濃濃嘅鮮味海鮮有蟹柳 魷魚 珍珠帶子肉粉絲同什菜都
呢個組合深深吸引到我 但又怕燕麥同鹹蛋黃會乾
但見到係屬於特別推介之一就放膽試試
蝦球肉質爽彈無雪味 外面裹著鹹香嘅鹹蛋黃
再鋪咗滿滿嘅燕麥片喺表面 成件事意外哋夾😍
絕對係我今餐嘅No.1🏆
🐽楚撚記原隻脆皮炸豬手 $138
份量大大碟 而且上枱時熱辣辣
豬皮偏向硬脆豬手肉又嫩滑多汁
碟旁邊附上泰式雞醬同蜜糖芥末醬
如果想口味上更多變化可以自行點
但我覺得單食食翻豬手嘅原汁原味就最好味！
🐮蜜椒薯仔牛柳粒 $98
牛柳粒鬆軟煮得好淋份量又多
醬汁味道濃郁黑椒味重但唔會好辣
除咗有牛柳粒之外仲有大量洋蔥 紅青椒 薯仔
特別講講個薯仔每粒都切到細細粒
質地唔係軟爛而係硬硬地有咬口嘅
好欣賞佢每樣食材都超級入味！
🍍拔絲咕嚕肉 (梅頭) $99
呢款咕嚕肉選用咗梅頭肉 無骨做到啖啖肉
帶點肥膏所以肉質軟稔有豬肉油香味
醬汁緊緊包裹著咕嚕肉所以偏向乾身唔會濕立立
味道酸酸甜甜配搭金黃色甜甜嘅拔絲更上一層樓
🍲濃湯海鮮粉絲什菜煲 $89
每次食大排檔都必點粉絲什菜煲
因為佢看似簡單但每間味道都會有少少唔同～
呢度嘅湯底超級出色 我哋除咗食菜之外都不停不湯
奶白色嘅湯底帶有濃濃嘅鮮味
海鮮有蟹柳 魷魚 珍珠帶子肉
粉絲同什菜都好索味 一啖一啖食唔停～
🦑椒鹽鮮魷 $103
魷魚大大片好有滿足感
炸皮唔厚薄薄一層 外脆內煙韌口感非常好
表面有大量炸過好香口嘅椒鹽 蒜同埋韭菜
🍺藍妹 (大枝) $29
雖然枝裝嘅藍妹邊度飲味道都唔會有咩分別
但呢度最特別係會俾個碗你 上面刻著“戰鬥碗”
成件事即刻豪邁同埋有玩味好多
張貼