影片
更多
2025-03-30
183 瀏覽
呢日嚟咗呢個連接啟德站嘅商場行街，見到呢間吉列牛扒專門店，吉列牛喺香港比較少見到，於是就同我嘅牛魔王友人入咗去食晚餐啦😚四品牛魔御膳一份有齊四款招牌牛肉，穀飼西冷、菲力牛、翼板牛同埋醬味薄牛。四款都係吉列牛嚟㗎，味道唔錯🐮 餐廳先將牛肉炸60秒，大概三至五成熟，再配上小鐵板，我地可以自行加熱😛 鐵板上嘅滋滋聲真係好治癒呀☺️ 個人最鍾意翼板牛，肉質軟腍，而且牛肉味道極濃郁👍🏻勝牛喜燒鍋膳牛肉就係另外上嘅，咁就啱晒我地呀，可以自己調較牛肉嘅生熟度😙 仲有隻日本生蛋可以點牛肉食，入口更加嫩口🥰 鍋入面嘅蔬菜都幾多㗎，有金菇、椰菜、本菇、冬菇、粉絲、豆腐同埋皇帝菜🥬套餐包括味噌湯、白飯同埋京椰菜，三款都可以任食㗎😎 我就特別鍾意呢度嘅京椰菜，有芝麻醬同甘荀洋蔥汁可以配椰菜食。朱古力慕絲·士多啤梨大福呢個係期間限定嘅甜品，好推介大家試下🍫 上層係creamy嘅朱古力慕絲，底層係朱古力塊，味道濃郁。側邊仲有件士多啤梨大福，外層幾煙韌🍓沖繩黑糖雞蛋布甸雞蛋嘅味道幾香，食落口都幾順滑，不過質感較為挺身，配埋黑糖味道幾夾🍮紅桑子有汽特飲唔係度度都有raspberry嘅飲品，覺得幾新奇，所以嗌咗嚟試🥤味道
四品牛魔御膳
一份有齊四款招牌牛肉，穀飼西冷、菲力牛、翼板牛同埋醬味薄牛。四款都係吉列牛嚟㗎，味道唔錯🐮 餐廳先將牛肉炸60秒，大概三至五成熟，再配上小鐵板，我地可以自行加熱😛 鐵板上嘅滋滋聲真係好治癒呀☺️ 個人最鍾意翼板牛，肉質軟腍，而且牛肉味道極濃郁👍🏻
勝牛喜燒鍋膳
牛肉就係另外上嘅，咁就啱晒我地呀，可以自己調較牛肉嘅生熟度😙 仲有隻日本生蛋可以點牛肉食，入口更加嫩口🥰 鍋入面嘅蔬菜都幾多㗎，有金菇、椰菜、本菇、冬菇、粉絲、豆腐同埋皇帝菜🥬
套餐
包括味噌湯、白飯同埋京椰菜，三款都可以任食㗎😎 我就特別鍾意呢度嘅京椰菜，有芝麻醬同甘荀洋蔥汁可以配椰菜食。
朱古力慕絲·士多啤梨大福
呢個係期間限定嘅甜品，好推介大家試下🍫 上層係creamy嘅朱古力慕絲，底層係朱古力塊，味道濃郁。側邊仲有件士多啤梨大福，外層幾煙韌🍓
沖繩黑糖雞蛋布甸
雞蛋嘅味道幾香，食落口都幾順滑，不過質感較為挺身，配埋黑糖味道幾夾🍮
紅桑子有汽特飲
唔係度度都有raspberry嘅飲品，覺得幾新奇，所以嗌咗嚟試🥤味道酸酸甜甜幾開胃，仲有raspberry喺入面。
菠蘿奇異果有汽特飲
呢個配搭好fresh🙈 兩款水果都帶點酸味，入面仲有勁多奇異果粒粒🥝
呢間餐廳嘅吉列牛真係極之出色，牛味非常正，但係唔食牛嘅朋友都有其他豬或雞或海鮮等嘅御膳選擇，一樣可以有套餐嘅味噌湯、白飯同埋京椰菜任食㗎🍚
張貼
