FIGS Bistro Mediterranean & Apero Terrace Bar (已結業)

慶幸朋友帶我到FIGS Bistro西餐廳，行到太古城中心經過呢間餐廳，你可能都吾覺得餐廳裝潢華麗，要食過先會體會到。進入餐廳被帶入店內更有私隱的座位，坐低聊天更吾會被打擾。第一時間餐廳送了一個小食，不過忘記了影相🫣點了法國紛迪加蠔，睇落中等Size,食到落口好厚肉，好鮮甜，配埋特製的青介辣醬，好味到一口氣食左3隻，堅正！跟住上埋香煎鵝肝配牛油甜包，鵝肝厚切再加上烘底牛油包，份量剛好吾會太易飽肚。跟住呢個意大利雲吞係重點推薦。食完第一啖就發覺味道正，味道正吾係在於雲吞本身，係個汁做得好出色，雲吞本身份量超細，但係會點大量汁醬去食，本人覺得全晚最好食一樣。薯條就中規中矩，可能食得太飽嘅原因啦，最後食吾晒。同時都上埋芝士面包盤，有埋青蘋果，三種芝士任我地選擇，都食得7788，最都叫埋杯白酒。總結： 食物環境氣氛吾錯，適合拍拖黎食，食物都有特色，地點都方便，就係價錢中上偏貴，耐吾耐食一次都可以既。