FIGS Bistro Mediterranean & Apero Terrace Bar (已結業)

位於太古城入面嘅FIGS都唔錯，首先佢喺6樓，人流唔算好多，所以變相就都幾啱happy hour/ dinner 同朋友傾下偈！食物方面，FIGS內含法國、意大利、希臘同埋西班牙菜。香煎鵝肝配牛油和無花果醬煎得岩岩好，入面好軟滑，配埋酸酸甜甜嘅無花果醬都可以解解油膩。生帶子王配芒果菜頭香茅汁都幾特別，帶子刺身配上水果造成嘅醬汁特別refreshing! 傳統法式牛肉他他調味到位，唔會食到生牛肉可能會有嘅腥味，味道都幾傳統。阿根廷風乾肉眼扒10安士份量驚喜，而且medium 處理合宜，肉質好淋身，對得住個價錢🥹 西班牙乳豬皮脆又唔會太肥，食落唔漏。主菜份量都幾足，建議叫黎share，一人一份會好飽食唔到其他野😂 甜品嘅開心果gelato都幾濃郁，可以一試！