紅館

一早book咗枱，諗住享受聖誕氣氛，點知安排咗坐喺門口好似臨時加嘅一張枱咁，又嘈又冇裝修，普通一間西餐都靚過佢。都算，諗住食物好食可以彌補到。無限refill嘅麵包非常好食，非常鬆軟，但麵包係唯一最好食嘅嘢。叫咗個二人set試吓，特登揀加錢嘅dish，點知全部又細碟又唔好食。所以都冇再嗌其他a la carte，食完就算。唯一好味嘅係薑母鴨。個set要額外加$168嘅龍蝦意粉，得嗰三嚿仔龍蝦，好似三粒魚蛋咁少。無論環境定係嘢食都唔值呢個價。不過員工服務態度好好。總結成餐，得員工同埋麵包係值得讚。