影片
更多
2023-02-08
130 瀏覽
每次行過一生懸麵門口都會有好多人排隊，星期六6點鐘行過發覺唔洗等位，即刻走左入去試。平時都聽朋友講好食，等我親身驗證下先!海老沾麵 $85沾麵嘅麵底係粗身麵黎嘅，唔會好淋，食得出彈牙，粗身麵條掛湯掛得好好。食過其他餐廳嘅沾麵湯勁鹹之後我就好怕食沾麵啦，不過呢到嘅湯好鮮亦都唔算好濃好鹹，我覺得相對易入口。男朋友將青檸加入左沾麵湯之後竟然好味左，湯汁無因為青檸而變酸，相反有少少甜甜地，亦都比未加入青檸前更清新。海老拉麵 $85其實我就唔太中意食沾麵，因為食過好多都好鹹，超中意飲湯嘅我梗係叫拉麵啦，可以飲晒啲湯麻!拉麵嘅麵底同沾麵唔同，係幼麵黎，麵條吸晒湯汁每一淡都係濃濃嘅蝦湯味。佢地嘅日式叉燒望落有少少燶燶地，食落有陣燒過嘅香氣，唔知係唔係平時都好少食拉麵，我未試過咁好食嘅日式叉燒架，望落有肥膏但食落唔會好油膩，令減緊肥嘅我都忍唔住食晒!櫻花蝦不過不失，夠脆令口感更加豐富，唔錯!章魚燒 $28其實我平時都麻麻地章魚燒嘅，但今次呢個我超滿意，佢黎到係熱辣辣重要脆卜卜，我同男朋友都覺得好食過香港好出名排晒長龍果一間。唐揚炸雞 $32炸雞好juicy，炸得亦都好鬆脆，炸粉唔會好厚，黎到都係熱辣辣
海老沾麵 $85
沾麵嘅麵底係粗身麵黎嘅，唔會好淋，食得出彈牙，粗身麵條掛湯掛得好好。食過其他餐廳嘅沾麵湯勁鹹之後我就好怕食沾麵啦，不過呢到嘅湯好鮮亦都唔算好濃好鹹，我覺得相對易入口。男朋友將青檸加入左沾麵湯之後竟然好味左，湯汁無因為青檸而變酸，相反有少少甜甜地，亦都比未加入青檸前更清新。
海老拉麵 $85
其實我就唔太中意食沾麵，因為食過好多都好鹹，超中意飲湯嘅我梗係叫拉麵啦，可以飲晒啲湯麻!拉麵嘅麵底同沾麵唔同，係幼麵黎，麵條吸晒湯汁每一淡都係濃濃嘅蝦湯味。佢地嘅日式叉燒望落有少少燶燶地，食落有陣燒過嘅香氣，唔知係唔係平時都好少食拉麵，我未試過咁好食嘅日式叉燒架，望落有肥膏但食落唔會好油膩，令減緊肥嘅我都忍唔住食晒!櫻花蝦不過不失，夠脆令口感更加豐富，唔錯!
章魚燒 $28
其實我平時都麻麻地章魚燒嘅，但今次呢個我超滿意，佢黎到係熱辣辣重要脆卜卜，我同男朋友都覺得好食過香港好出名排晒長龍果一間。
唐揚炸雞 $32
炸雞好juicy，炸得亦都好鬆脆，炸粉唔會好厚，黎到都係熱辣辣嘅，點埋沙律醬真係一流。
餐廳自己就無自製飲品，飲品都係包裝飲品黎，幾抵讚嘅係有波子汽水，真係好耐無飲過啦!童年回憶返晒黎啊!呢支烏龍茶出面買都唔係平好多，呢個價錢都算係良心價嘅，當然啦，大家唔叫飲品，餐廳都有水比大家任斟嘅。
唔怪得咁多朋友都話一生懸麵好食，平時又大排長龍啦!原來性價比真係好高，最抵讚係食完之後唔會勁頸渴狂飲水，睇得出無乜味精，呢點我好欣賞。不過大家黎幫襯之前記得留意返，早啲黎幫襯人龍會少啲，6點半左右門口就開始有人排隊啦，想食好嘢都係要比啲耐性嘅!
張貼
