影片
更多
2023-03-22
462 瀏覽
日本嘅廚師發辦食過唔少！今次同朋友去食咗餐夠晒特別嘅Omaksa，因為我哋要食嘅係中式餓嗎家姐。今次就係去沙田帝都酒店嘅玉庭，我記得以前喺樓上原來而家已經搬咗落去一樓，樓底高咗又光猛咗同以前真係好唔同！今日就豐富喇我哋要食嘅係有成8道菜嘅廚師發辦，佢個名叫做嚐藝粵饌係尤師傅嘅精心傑作嚟㗎！一坐低講真係有啲肚餓嘅！見到眼前呢兜沙葛燒鴨即刻放入口，沙葛爽口加埋燒鴨食落去好香口。終於人齊第一味餸即刻上枱，呢個前菜係九年百合紅肉火龍果鮮淮山梅子番茄，一份前菜都用咁多材料去配搭仲要放晒煙咁真係好有心機喎！百合同埋個淮山片都好爽口，淮山仲要用火龍果汁染埋色鬼咁靚，百合入面仲有啲梅子番茄加埋啲柚子汁真係勁開胃。跟住呢一個叫做糯米櫻花蝦千層豬，一件脆卜卜嘅乳豬下面夾住糯米瑤柱櫻花蝦餡，最底嗰層係荷葉包嚟層次好分明。乳豬皮好香脆入面啲糯米煙煙韌韌幾好咬口，加埋底下嗰個荷葉包索咁啲油，食落去都唔會覺得好肥膩仲好鬼香添。食咗兩個菜呢個時候飲碗靚湯先！呢一盅花膠海參灌湯餃湯嘅顏色睇落都幾濃郁，仲一朕朕香氣咁飄出嚟睇落係正嘢嚟嘅。講多無謂食咗最實際！個湯同個樣一樣好濃香，呢個海參唔係淨係得個爽口真係浸到入味㗎！
今次就係去沙田帝都酒店嘅玉庭，我記得以前喺樓上原來而家已經搬咗落去一樓，樓底高咗又光猛咗同以前真係好唔同！
今日就豐富喇我哋要食嘅係有成8道菜嘅廚師發辦，佢個名叫做嚐藝粵饌係尤師傅嘅精心傑作嚟㗎！
一坐低講真係有啲肚餓嘅！見到眼前呢兜沙葛燒鴨即刻放入口，沙葛爽口加埋燒鴨食落去好香口。
終於人齊第一味餸即刻上枱，呢個前菜係九年百合紅肉火龍果鮮淮山梅子番茄，一份前菜都用咁多材料去配搭仲要放晒煙咁真係好有心機喎！百合同埋個淮山片都好爽口，淮山仲要用火龍果汁染埋色鬼咁靚，百合入面仲有啲梅子番茄加埋啲柚子汁真係勁開胃。
跟住呢一個叫做糯米櫻花蝦千層豬，一件脆卜卜嘅乳豬下面夾住糯米瑤柱櫻花蝦餡，最底嗰層係荷葉包嚟層次好分明。
乳豬皮好香脆入面啲糯米煙煙韌韌幾好咬口，加埋底下嗰個荷葉包索咁啲油，食落去都唔會覺得好肥膩仲好鬼香添。
食咗兩個菜呢個時候飲碗靚湯先！呢一盅花膠海參灌湯餃湯嘅顏色睇落都幾濃郁，仲一朕朕香氣咁飄出嚟睇落係正嘢嚟嘅。
講多無謂食咗最實際！個湯同個樣一樣好濃香，呢個海參唔係淨係得個爽口真係浸到入味㗎！花膠唔使講梗係又香又滑啦！入面仲有隻海參蝦餃個皮滑嘟嘟，入面嘅蝦肉爽口加埋彈牙嘅海參都幾特別。
跟住呢一個羊肚菌龍蝦蒸蛋白就正斗喇！上面有半隻波士頓龍蝦食落新鮮又爽口，下面係羊肚菌蛋白忌廉整出嚟嘅蒸蛋白質地滑到一點，加埋個勁濃味嘅羊肚菌汁真係無敵。
食完龍蝦梗係要食埋魚先過癮㗎嘛！呢個好似去咗扒房咁樣嘅菜叫做鐵板銀鱈魚，個鐵板銀鱈魚仲會配咗酒同埋配胡椒汁。
食嘅時候倒啲酒落去再放過火，跟住加埋個胡椒汁落去就喫得，銀雪魚香香甜甜又夠滑仲要無骨梗係好食啦，啲配菜有好多老婆大人最鍾意嘅京蔥同埋菠蘿，睇佢食配菜仲開心過食嚿魚真搞笑哈哈。
呢件又係師傅嘅精心傑作迷你乞兒雞，平時呢個雞外面嗰啲係用塘泥，呢個就用咗好似蛋撻嘅牛油皮嚟做，個菜嘅特色係自己攞住個錘仔扑開嚟食！
扑開咗之後原來入面係好香嘅青咖喱雞，未試過食乞兒雞可以連埋啲泥一齊食，師傅都真係好有諗頭抵讚呀。
最後呢一個菜叫做芝士蟹肉飯，有墨西哥名物嘅外表淨係呢個樣都贏晒啦！
好似墨西哥粟米餅嘅物體其實係用芝士做出嚟嘅，所以食落去脆卜卜又鹹香，入面嘅係芝士蟹肉飯味道都好唔錯㗎。
最後一味梗係甜品啦！我哋呢晚嘅甜品係南瓜奶凍布甸，面頭仲有一粒好似龍珠嘅物體，原來係桂花同埋椰汁整出嚟嘅波波仲有啲金箔嚟加添矜貴度呢！
南瓜布甸食嘅口感有啲似啫喱個南瓜味好出，粒珠食落去就係爽口嘅係一個幾唔錯嘅甜品。
8道菜都好食睇得出尤師傅好用心機煮呢一餐廚師發辦，如果以上嘅餸菜唔啱你食唔緊要，講明廚師發辦訂枱嘅時候可以同尤師傅夾吓個茶單，咁就可以食到獨一無二嘅中式廚師發辦喇。
玉庭 Jade Pavilion
電話：26943939
地址：沙田白鶴汀街8號帝都酒店1樓
張貼
