影片
更多
2022-12-28
74 瀏覽
聖誕節前夕約好姐妹食飯，好耐冇食 #鐵板燒 ，今次揀左去天后站嘅宴Sashimi鐵板燒， menu有好多種和牛及海鮮套餐，我地坐長長嘅bar枱，師傅會即叫即煮！裝潢傳統日系風格，仲有超巨型富士山嘅畫🗻加上遠望維港景色！氛圍感十足！🥩 Special menu $1280 /位 (包括季節前菜、沙律、刺身或壽司3款、北海道生蠔、吸物、鐵板燒紐西蘭海蛪蝦、北海道帆立貝、法國鵝肝、M9牛舌、美國特選牛肉/西班牙黑毛豬、鐵板日本野菜、鐵板炒飯及甜品) 🥗前菜：冬天必食嘅鱈魚白子，滑溜爽甜，配上味道酸甜嘅土佐醋啫喱，夠哂開胃！🐟北海道鮟鱇魚肝多士：以自家制鮟鱇魚肝打成cream狀，口感綿密細膩， 配上食用花及放喺香脆多士上，獨特香氣令人回味！🦪北海道生蠔：大大隻令和之怪物，肉質肥美厚實，爽脆口感加上鮮甜海水味！超好味！🍣季節刺身：有鮫鰈魚、北海道鰤魚及中拖羅；鮫鰈魚輕輕燒香魚邊令脂香口感帶點煙韌，鰤魚肉嫩香甜，中拖羅味道最濃！ 🍣壽司：有牡丹蝦、銀雪魚bb 即幼鱈及赤身， 牡丹蝦蝦肉扎實鮮甜，幼鱈燒過後迫出魚油好甘香，最後嘅赤身脂香軟滑無得彈！🦐香草牛油紐西蘭海蛪蝦：以蝦膏作為調味，淋上煎好
🥩 Special menu $1280 /位
(包括季節前菜、沙律、刺身或壽司3款、北海道生蠔、吸物、鐵板燒紐西蘭海蛪蝦、北海道帆立貝、法國鵝肝、M9牛舌、美國特選牛肉/西班牙黑毛豬、鐵板日本野菜、鐵板炒飯及甜品)
🥗前菜：冬天必食嘅鱈魚白子，滑溜爽甜，配上味道酸甜嘅土佐醋啫喱，夠哂開胃！
🐟北海道鮟鱇魚肝多士：以自家制鮟鱇魚肝打成cream狀，口感綿密細膩， 配上食用花及放喺香脆多士上，獨特香氣令人回味！
🦪北海道生蠔：大大隻令和之怪物，肉質肥美厚實，爽脆口感加上鮮甜海水味！超好味！
🍣季節刺身：有鮫鰈魚、北海道鰤魚及中拖羅；鮫鰈魚輕輕燒香魚邊令脂香口感帶點煙韌，鰤魚肉嫩香甜，中拖羅味道最濃！ 
🍣壽司：有牡丹蝦、銀雪魚bb 即幼鱈及赤身， 牡丹蝦蝦肉扎實鮮甜，幼鱈燒過後迫出魚油好甘香，最後嘅赤身脂香軟滑無得彈！
🦐香草牛油紐西蘭海蛪蝦：以蝦膏作為調味，淋上煎好嘅蝦上面； 蝦肉扎實爽口！香濃嘅蝦膏令口感更豐富同鮮味！
🐚北海道帆立貝配深海魚籽：帆立貝鮮嫩又有咬勁！配上帶點牛油及酒味嘅醬汁煮一煮令味道升華！
🦢法國鵝肝配自家制藍莓醬：煎鵝肝嘅時間剛好，黃金色外脆內軟，味道濃郁！自家制藍莓醬同鵝肝好夾！最後食埋伴碟嘅甜甜嘅黑豆，起左中和甘味嘅作用！
🥩澳洲M9牛舌：薄薄一片嘅牛舌，肉味香濃帶點咬勁，配埋蒜片食增加口感！
🥩美國特選牛肉： 我地叫左五成熟嘅牛肉，色澤亮麗、肉味香濃，脂香四溢！推介！
🍖西班牙黑毛豬：外層煎到微焦咬落鬆化香口而唔油膩！保留倒肉汁同軟嫩！🍄🍚黑松露蟹肉炒飯，入口有濃郁嘅香松露味，炒飯粒粒分明，加上鮮甜嘅蟹肉，滿分！
🥬炒什菜：配左特製醬嘅炒什菜，唔油膩相當唔錯！
🥣日本淮山鮮濃魚湯：以魚湯作結尾，誠意十足！
🍦最後有柚子味雪糕，為我地大滿足又開心嘅一餐劃上句號！
宴．鐡板燒
地址 📍：天后電氣道54號亨環天后24樓
張貼
