米走雞Live

營業中

休息中

其實大大話話我都食過4,5次米走雞,但係每次都係食芝士雞煲,今次終於試下火焰麻辣雞煲。店員係雞煲差唔多ready嘅時候,用火槍點出火焰效果再炒香。雖然叫嘅雞煲係細size,不過其實對於兩個人來講份量都幾多。難肉用左雞脾肉所以食落啖啖肉又嫩滑。每款手打丸都想試所以就叫咗個手打五寶拼盤,有齊墨丸,蝦丸,豬肉丸,牛丸同鯪魚丸。每款都有2粒,我個人最鍾意就係墨丸,彈牙得嚟仲可以食到墨魚粒。當然唔少得打邊爐或者雞煲必備嘅炸魚皮,份量都幾多,而且大大塊好完整。一見到Menu上有牛舌諗都唔使諗即刻order左,一份都有十幾塊,而且有D厚度,唔會好似食咗陣風咁。