喫茶ちょうぼ

營業中

休息中

和牛漢堡蛋包飯職員會先問你需唔需要影相，然後再幫你切開個蛋包，蛋包煮到好嫩滑，和牛漢堡夠大份，整體味道清清地，好啱我地食。香草牛油大蜆意粉青口鮮甜，扁意粉軟硬適中，配上濃郁蕃茄汁，酸酸地，特別開胃。蟹肉忌廉可樂餅可樂餅皮簿又香脆，裡面既蟹肉忌廉好creamy好香，好好食。宇治金時盛合哩個甜品賣相好靚，配搭好多，有日式布丁，雪米滋，朱古力卷蛋，紅豆泥等，仲配有一塊好得意既松鼠餅，全部都好好食，推薦。夏日海洋梳打甜甜地，似波子汽水，非常消暑。焙茶牛乳焙茶味香濃，飲落好滑溜。環境舒適，裝飾吸引，座椅舒服，價錢實惠，職員做嘢都好快手，如坐到窗邊位仲可以望住維港海景餐具設計獨特，餐點擺款都靚，打卡一流。建議訂位，因未夠七點全場滿座，門口已開始有人排隊。