影片
更多
2023-12-03
25 瀏覽
今次係第二次黎山Yama食omakase啦！上次食過佢既海膽覺得好滿足，食材高質，擺盤有心思，見到佢地新出左主要食蟹既套餐，又黎試下先😍餐廳有個小露台，大家可以係出面望下風景Chill下，店員亦好細心，會講解食材同埋食用方法。🟠前菜 蟹粉帶子／小天婦羅／日式清甜茄店員會用一個木盒裝住3款前菜同乾冰，好岩打卡！店員介紹先係左邊開始食起，即係先食蟹粉帶子。醬汁濃濃好香蟹味，而帶子亦好甜，煎得岩岩好唔會好難咬。之後就食天婦羅蝦，炸粉剛剛好，唔會太厚，仲要熱辣辣，而蝦亦好新鮮同彈牙。最後就食粒甜茄，佢係用陳皮醃過，酸酸甜甜。🔵法式拖羅拖羅厚切而且入口即溶，表面係用wasabi整成嘅醬。另外亦有紫菜及紫蘇葉可以包住食，加強層次感。🟢鍋物 - 松葉蟹腳龜甲鍋鍋物入面有3隻半熟嘅松葉蟹腳，如果想食熟D就可以放係底煮多一陣。松葉蟹腳好鮮甜，湯底吸晒蔬菜同松葉蟹腳嘅精華，甜到可以飲哂成碗湯。🔵 燒物 - A4宮崎牛厚燒 聖護院蕪菁牛肝菌主菜係兩件A4宮崎牛，質感軟腍，入口即溶，牛脂味香濃。🟣 お食事 - 蟹粉烏冬蟹粉同烏冬會分開上，可自行倒埋一齊食。烏冬扁身彈牙，蟹粉份量亦唔少，撈埋一齊啖啖都係蟹粉好滿
🟠前菜 蟹粉帶子／小天婦羅／日式清甜茄
店員會用一個木盒裝住3款前菜同乾冰，好岩打卡！店員介紹先係左邊開始食起，即係先食蟹粉帶子。醬汁濃濃好香蟹味，而帶子亦好甜，煎得岩岩好唔會好難咬。之後就食天婦羅蝦，炸粉剛剛好，唔會太厚，仲要熱辣辣，而蝦亦好新鮮同彈牙。最後就食粒甜茄，佢係用陳皮醃過，酸酸甜甜。
🔵法式拖羅
拖羅厚切而且入口即溶，表面係用wasabi整成嘅醬。另外亦有紫菜及紫蘇葉可以包住食，加強層次感。
🟢鍋物 - 松葉蟹腳龜甲鍋
鍋物入面有3隻半熟嘅松葉蟹腳，如果想食熟D就可以放係底煮多一陣。松葉蟹腳好鮮甜，湯底吸晒蔬菜同松葉蟹腳嘅精華，甜到可以飲哂成碗湯。
🔵 燒物 - A4宮崎牛厚燒 聖護院蕪菁牛肝菌
主菜係兩件A4宮崎牛，質感軟腍，入口即溶，牛脂味香濃。
🟣 お食事 - 蟹粉烏冬
蟹粉同烏冬會分開上，可自行倒埋一齊食。烏冬扁身彈牙，蟹粉份量亦唔少，撈埋一齊啖啖都係蟹粉好滿足！另外會有3款自家調配嘅意大利陳醋，分別係3年，5年同10年以上既陳醋。個人就鍾意5年既陳醋，覺得酸味岩岩好😋
🔴 蟹肉味噌湯
味噌湯入面有昆布、腐皮同蟹肉，提升左味噌湯層次
🔵 甘味：迷你栗子蒙布朗 / 紅豆麻薯抹茶雪糕 /日式御果拿破崙
甜品擺盤好吸引，岩哂影相！而甜品Size唔會太大，一次過食哂3款好滿足。栗子蓉口感滑，味道濃，底層配上芝士蛋糕，雙重口感。紅豆唔會太甜，麻糬煙韌，抹茶雪糕香濃唔會苦。拿破崙鬆脆，芒果好鮮甜。
🟣水物 - 福壽園抹茶
香濃茶香味，解膩之選
張貼
