Orange Elephant Thai Restaurant (和富) (已結業)

作為北角舊街坊，今日就返嚟和富中心食泰國菜先，呢間「Orange Elephant Thai Restaurant 」，真係幾抵食，因為佢而家出咗個優惠，由星期一至日每日都有唔同嘅$1特價菜式，包括明爐烏頭、香茅炸豬扒、泰式炸蝦餅、黃咖喱雞等等呢啲熱門菜式，其實我真係嚟過唔止一次，好多街坊都當左呢度係飯堂呢！冬陰功湯：個人喜歡呢度嘅冬陰功湯帶點微辣，啱晒我和朋友都不能吃太辣，但又非常開胃，用料十足！泰式滷水豬脾焗粉絲煲：粉絲控一定大贊，粉絲超級入味，豬脾亦炆得好腍！泰式明爐烏頭魚：唔好以為$1就會將貨就價，餐廳真係好有誠意，烏頭魚好大條好好味！呢度仲有一個飲品部，即叫即整，我叫咗芒果至尊特飲及芒果藍莓特飲，大大杯又新鮮，所以咁多為街坊支持係有原因嘅！