Orange Elephant Thai Restaurant (和富)

營業中

休息中

諗住響公司附近簡簡單單食個lunch，呢間泰國餐廳都幾多人，吾想等位就要早少少去搵位😆餐廳環境好適合傾計，我地1行四個人侍應比左張梳化圓枱😊👍坐得舒服有私密空間傾計，午餐menu多選擇，價錢大衆化，50至60幾蚊一個set lunch😋⭐️泰象雙拼飯配龍眼冰我想食海南雞同豬頸肉，呢個飯有齊曬呢2樣野😋豬頸肉份量多好入味，爽口，但海南雞有d鞋。。可能係因為近雞胸部位..龍眼冰甜味岩岩好，清甜解暑

在附近工作，中午試下這間泰國餐廳。點了午餐冬蔭功蝦湯河，泰式奶茶，加蝦餅。冬蔭功湯濃郁對辦，可惜蝦係化學啤水蝦，蝦餅味道可以，泰式奶茶味道差啲，不是平時飲開的那種味道。 整體一般，不打算再來。(自費用餐）

餐廳環境闊落，卡位舒服D枱夠大午市唔收加一服務費，所以水都係自助，手機掃QR code落單午市套餐選擇多又抵食，套餐價錢包熱飲，加$3轉凍飲 或 加$8 轉特式凍飲冬陰功鮮蝦 配湯河 ($56)冬陰功湯夠辣，酸味好開胃，食到香茅同香葉味，調味到位，有多隻新鮮蝦同埋菇麵底可以揀米粉/金邊粉/河粉/米線香辣肉碎(豬)煎蛋飯 ($58)肉碎好多，足料，味道正宗，仲有隻黃金脆邊煎蛋😋飯都會跟一碗湯橙象雙拼飯 (海南雞+豬頸肉) ($58)豬頸肉肉質腍唔會燒到好乾身，厚度啱啱好，炭燒嘅香氣配上豬頸肉嘅油脂🤤雞肉同雞皮都夠滑，幾乎無骨，點佢啲泰式醬汁嚟食都幾好味！泰式奶茶可以走甜👍🏻 味道正宗 茶味夠濃—𝗐𝗈𝗎𝗅𝖽 𝗋𝖾𝗏𝗂𝗌𝗂𝗍: yes💳 𝗉𝗋𝗂𝖼𝖾 $60 𝗉𝗉 (lunch)🌟 𝗈𝗏𝖾𝗋𝖺𝗅𝗅 7.5/10📍 Orange Elephant Thai Restaurant北角和富道21-53號和富地下G18B號舖

今日特登出左北角食間好味既泰國野。餐廳既梳化位坐得舒服，有多款菜式選擇。每日更有一款指定菜式做$1優惠。小食：泰式炸蝦餅炸蝦🍤餅即叫即製，超香脆。蝦膠彈牙，配埋泰式辣醬，讚👍冬陰功湯底明爐烏頭魚🍲明爐大大個火熱🔥住，另外跟一碗湯有埋配料：菇及蕃茄仔。本身諗住冬陰功會好辣，但魚下墊了香茅同香葉，中和左辣，係酸味更出好開胃🤤。粉絲雜菜煲唔係白灼，係用泰式醬炒粉絲。粉絲吸晒味，菜亦煮至很冧身。芒果糯米飯：滿足我嘅甜品🍮胃。芒果用匙羹墊住，𠝹花賣相好靚，而且糯米飯仍然暖身好好味。配埋椰青一齊飲好清涼解暑！

喺住宅區商場入面嘅橙象，佢嘅芒果甜品系列真係無得輸，未食正餐已經知道要留肚試佢哋嘅 #芒果甜品 🤤 先講返橙象，呢度環境舒適，餐廳闊落，特別係佢哋嘅圓形卡位，自成一角，可以舒舒服服咁坐低食嘢傾吓計 💬🌙 晚市 1 蚊優惠晚飯時間只要嗌兩個小菜，就可以 +$1 有多個餸，選擇有泰式明爐烏頭魚、泰式香茅炸豬扒、酸辣去骨鳳爪沙律、飛天通菜、泰式炸蝦餅、各式細支裝啤酒同黃咖哩雞，但每晚只有一款菜式可以揀，所以最好揀定先 Book 枱嚟食飯啦 😆 🐟 青檸辣椒明爐烏頭魚 ($179) 通常去親食 #泰國菜，基本上都會叫明爐烏頭！呢度嘅廚師推介有原味泰式烏頭，另外兩款係青檸辣椒同 #冬蔭功 湯底，經店員介紹後，我哋揀咗青檸辣椒。烏頭魚都幾大條，賣相新鮮，肉質嫩滑，橙象仲會提供多一碗湯汁，可以隨時自己加湯。用咗香茅、青檸調味嘅湯底微酸微辣，加上都多椰菜放咗喺底，烏頭同椰菜越滾越入味！🐥 泰式海南雞 ($128) 再嚟另一個廚師推介有呢度嘅海南雞，份量算多，雞肉同雞皮都夠滑，幾乎無骨，配醬汁或醬油點嚟食都幾好味！🐮 炭燒牛肋骨 ($102) 呢個牛仔骨每件都大大塊，肉質鬆軟，份量亦都算多，而橙象特製嘅

小朋友返學，順便過嚟北角食飯，揀咗間之前食過嘅，水準依然保持得到👍🏽叫咗幾樣嘢都唔錯，而且地方都幾靚，人多人少都OK👍🏽✅ 泰式菠蘿炒飯 原個菠蘿上、裡有菠蘿、雞肉腰果等，口感豐富！炒飯粒粒分明不太油膩 ✅ 泰式串燒燒得好好，入邊仲有肉汁絕對唔會乾爭爭 💯 ✅ 馬拉盞炒通菜少辣蒜香味 夠哂火喉 惹味十足✅鐵板蠔仔蛋，蛋唔會over cook ，蠔仔比較多麵粉比較少，我覺得都幾健康，好味✅泰式鳳爪沙律，鳳爪爽脆，蔬菜新鮮，辣得來都幾惹味⭐️ 環境好好 ⭐️ 食材新鮮 ⭐️ 份量多多 ⭐️ 服務幾好 ⭐️ 地點方便 ⭐️ 價錢可以

見到食評好似幾好就揀左呢度食星期五晚嚟到唔需要等位，舖頭都幾大間都叫坐得舒服。但食物真心mama地，最可取之處係佢地每碟餸都好大份，份量堅多無骨雞腳味道正常，略嫌可以再濃味少少炒蜆一上枱勁大碟，雖然啲蜆唔叫大粒，但有好多粒蜆，可惜勁多沙鹹肉炒菜上枱果陣得碟菜無肉，我哋仲要唔為意繼續食食到一半侍應走過嚟話漏左俾肉我地先至發現，跟住就另外上返一碟凍左嘅肉俾我哋我唔係好熟泰國菜，唔知呢個菜係唔係本身分開上，肉還肉菜還菜咁😂粉絲蝦煲食到呢度已經無乜心機，上埋最後嘅主菜。蝦多而且好大隻，但係蝦肉好琳，唔係爽口的粉絲好糊口，一大pat 漿住左

店名: Orange Elephant Thai Restaurant 地址: 北角和富道21-53號和富地下G18B號舖北角站A1出口，行7分鐘環境: 4/5價錢: 4/5味道: 4/5因為朋友住北角，又想食泰國，見到呢一間喺和富商場入邊嘅泰國嘢就入嚟試吓😁燒原隻魷魚筒 ❤️❤️❤️❤️❤️$104個份量同樣嚇親我🥲隻魷大隻到我同我朋友都嚇親🤣CP值高同抵食！魷魚肉保留到炭燒嗰隻味同埋魷魚本身嘅味道，唔會燒到好乾身😋加埋泰式辣醬就更加惹味🥰😘魷魚控表示無得輸🦑🦑雜錦串燒 (豬/牛/雞) ❤️❤️❤️❤️$89串燒燒到外皮脆脆地🤓三款肉都好好食！內裏肉質嫩滑，唔會燒到乾身到肉汁都冇埋🫶🏻😻上面黃色嘅醬料係葡汁嚟，加埋沙嗲醬完全係Perfect，餐廳要完全係成個串燒嘅靈魂👅我同個friend都食晒啲醬🫦我最鍾意食係雞串燒！泰式炸蝦餅3件 ❤️❤️❤️❤️❤️$79呢一個蝦餅完全俾足料，見到Menu張相以為好細舊🤣點知實際上大大舊，平時嗰啲蝦餅係好多粉漿同埋啲蝦肉撈埋一齊😛但係呢一個真係好料，食到淡淡蝦肉🥹🍤加埋佢嗰個酸酸地嘅醬，完全唔會覺得油膩，呢個真係好抵食，我會因為依一嚿蝦餅而再嚟呢間餐廳🫨😛青木瓜沙律 ❤️❤️❤️

Orange Elephant有兩間分店，這次到訪的是位於北角和富的分店。椰汁雞湯 $85我們點了一份小份的椰汁雞湯，湯裡加入了雞肉和各種泰式香料，聞起來帶有椰香，雞肉入口不油膩，喝下去暖暖的。焗大頭蝦粉絲煲 $168粉絲煲用煲仔煮好，兩隻大頭蝦拱首而出，粉絲吸滿湯汁，吃起來隱約帶有八角的香氣，面條口感Q彈。咖哩海鮮脆包盅 $155這道脆包盅是廚師推薦的，整個脆包打開，淋上咖哩海鮮汁，咖哩汁滿到溢出來，裡面有蝦仁、魚柳、魷魚、青口等海鮮，份量十足，咖哩汁香濃但不會太辣，忍不住就這樣一口接一口。芒果椰子西米慕斯特飲 $46像是芒果西米露，味道冰涼清爽。

🍱餐廳：Orange Elephant Thai Restaurant (和富）🏫地址：北角和富道21-53號和富地下G18B號舖☎️電話：37050105今晚與朋友喺北角想食泰國菜，諗起之前九龍城這間泰式餐廳「Orange Elephant Thai Restaurant」食物也不錯，今日就試埋北角分店，水準也不錯，等我開心分享吓最喜歡的三款：～泰式拼盤有蝦餅、春卷、魚餅及香葉包雞各兩件，前邊嗰三款上枱已分為四件，一人一件啱啱好！其中最出色的是春卷，外皮炸得金黃酥脆，內餡豐富多層次，充滿着新鮮的蔬菜，配搭少許甜酸醬非常美味😋～原個菠蘿海鮮焗飯真材實料，有肉鬆、蝦、魷魚、臘腸等配料，炒飯粒粒分明，香氣十足，是美味的典型泰國菜😄～芒果糯米飯賣相靚靚的，糯米飯口感綿密，配搭新鮮的芒果肉實在係難以抗拒的美食；另外芒果香甜，加上有淡淡椰香的椰漿，屬於水準之作，美味之選❤️整體來說，呢間泰國餐廳幾有泰國風味，回頭率甚高，因為食物質素唔錯，價錢定價合理，性價比高!

今日約咗朋友去北角和富附近買二手書，買完後就近近地嚟咗呢度食泰國嘢☺️ 一開頭係俾佢嘅芒果甜品系列吸引到，諗住食完嘢嘆返個芒果糯米飯就perfect～ 入到餐廳發現環境好闊落，我哋坐嘅圓形卡位好舒服，張枱夠晒大可以叫多啲嘢食🤭今晚我決定嚟個泰式海鮮之夜，叫咗4樣嘢都係海鮮🦐🐠🦪🦑辣椒膏炒蜆 ⭐️⭐️⭐️⭐️⭐️辣椒膏超級惹味，平時算食得辣嘅我，呢個唔會太辣！蜆雖然唔算大隻，但份量好足夠，隻隻蜆都有蜆肉冇呃秤，食完蜆肉舔埋蜆殼啲汁，令我食慾大增😋鐵板蠔仔蛋 ⭐️⭐️⭐️⭐️⭐️蠔仔大隻juicy，炒蛋有燶邊，但唔會煮到熟晒，仲保留咗滑溜嘅蛋汁，食落似脆脆地嘅滑蛋！隨蛋跟個辣辣地嘅泰式辣醬，鍾意食濃味啲嘅可以點醬食，唔點醬就會食到多啲蠔仔味，各有各好食😙乾炒噴靚咖喱海鮮 ⭐️⭐️⭐️⭐️⭐️我原本以為乾咖喱係無汁嘅，見到真身後同想像有啲出入，以為同普通咖喱無咩分別！點知原來佢呢個咖喱喺比一般其它嘅杰身～ 咖喱入面海鮮有魷魚、魚塊、蝦、青口，仲有我最鍾意嘅豆角，杰身嘅咖喱將每一舊海鮮包裹得實一實，啱晒咖喱控嘅我❤️焗大頭蝦粉絲煲 ⭐️⭐️⭐️⭐️⭐️用煲仔煮嘅粉絲煲入面有4隻大蝦，好足料😳 粉絲索晒啲汁但麵質仲好彈牙，食吓食吓就食晒成

Orange Elephant Thai Restaurant隱藏於北角屋苑商場和富中心内，餐廳主打地道泰國菜，價錢相對親民，每日更有$1美食優惠作招徠🤑🍤泰式炸蝦餅(Hk$79):一碟有6件蝦餅，厚切的蝦餅香脆彈牙，非常香口🍍原個菠蘿海鮮焗飯(Hk$108): 咖哩焗飯材料十分豐富足料：有蝦仁、青口、魷魚、臘腸、腰果、肉鬆等，配上原隻多汁味甜的菠蘿，開胃美觀🍝蛋網海鮮金邊粉(Hk$94): 網狀的蛋偏乾爽，呈橙色的金邊粉帶有淡淡蕃茄味，質地Q彈🍧雪糕芒果糯米飯(HK$80):泰國芒果清甜無渣滓，椰漿糯米飯軟糯香暖。我Add-on 咗一球椰子雪糕，清甜芳香🍸特選椰青 (HK$44): 椰子水清甜且解熱生津，果肉口感也最具奶香🍹芒果冰特飲(HK$36): 新鮮腰芒打成，天然芒果味道濃郁，香甜軟腍、柔滑多汁，完全無加工果汁味(All subject to 10% service charge)📍Orange Elephant Thai Restaurant北角和富道21-53號和富地下G18B號舖(7-min walk from Exit A1, North Point MTR Stati

orange elephant位於北角和富中心地下今日收工後由鰂魚涌行去北角匯諗住去買幾件恤衫之後去左2蚊地鐵優惠站拍卡準備搭車途徑orange elephant之前同事推薦過餐廳今日有緣食埋晚餐餐廳係單點模式order 左馬拉盞炒通菜$68通菜炒得非常嫰綠馬拉盞由蝦同蝦米製成味道鹹香美味泰皇炒大蝦$1882隻開半大蝦用油炸過再同咖喱一齊炒咖哩有蔥，洋蔥等配菜非常香咖哩似葡汁，唔辣大人細佬都岩食蝦炒金邊粉$88醬汁偏酸金邊粉偏淋大大碟份量多椰青$44原個椰青非常清甜食飽滿足回家

最鐘意就係去啲未去過嘅地方試餐廳😝今次嚟到和富中心食泰國菜，都幾正🧡鋪頭都幾大，坐得好闊落，裝修充滿東南亞特色，配合綠化裝飾，令人放鬆心情👍🏻餓了！先食一碟雜錦串燒($89)而家出街叫串燒多數只可揀一兩款肉類，呢到有齊豬牛雞各兩件！啱晒貪心嘅我🤭冬陰公湯(小) ($95)湯類可以揀portion, 細份係二至四人份量，我覺得我哋兩個人飲啱啱好～湯底偏甜唔算好辣，海鮮加埋番茄、香草調味，味道更香😁鹹肉椰菜苗 ($86)鹹肉類似燒肉，大大舊🐷連埋爽口嘅椰菜苗一齊食，爽口惹味～蛋網海鮮金邊粉 ($94)我鍾意加咗蛋嘅金邊粉多啲，口感更豐富👍🏻一碟入都都有頗多蝦同青口，同樣係大大舊😝.食完正餐後一人叫咗一杯飲品😋特選椰青 ($44)冰涼清甜，好啱飯後飲😍芒果椰子西米慕斯特飲 ($46)全晚最有驚喜！每樣配料都層次分明，質地濃稠厚身，芒果椰子香味突出，撈勻後仲正！總結：份量超多又抵食，我見都好多街坊幫襯～推薦芒果特飲

ᴏʀᴀɴɢᴇ ᴇʟᴇᴘʜᴀɴᴛ ᴛʜᴀɪ ʀᴇꜱᴛᴀᴜʀᴀɴᴛ 由泰國廚師👨🏻‍🍳 🇹🇭主理，以地道煮法烹調正宗泰國菜😍👍🏻====—====—====—====—✧ 𝑨𝒑𝒑𝒆𝒕𝒊𝒛𝒆𝒓 ✧🔥🍢雜錦串燒（$89）豬|牛|雞各兩串串燒經過精心烹調，味道鮮美，帶有泰國獨特的香料風味，配上沙嗲風味更佳😍⋄✧ 𝑺𝒐𝒖𝒑 ✧🍲椰汁雞湯（$85/小）以椰汁為主🥥加入了嫩滑的雞肉和各種香料，口感濃郁，帶有椰香的香氣，滿滿泰國特色😋⋄✧ 𝑵𝒐𝒐𝒅𝒍𝒆𝒔 ✧🍝蛋網海鮮金邊粉（$94)蛋網蓋上金邊粉上非常吸引，金邊粉炒得乾爽，搭配海鮮和其他豐富配料，口感鮮嫩，味道醇厚😛⋄✧ 𝑴𝒂𝒏𝒈𝒐 𝑴𝑨𝑵𝑰𝑨 𝑳𝑶𝑽𝑬𝑹 ✧🥭芒果冰特飲（$36）以新鮮的泰國水仙芒果製成，芒果的甜蜜和濃郁的口感完美結合，冰涼清爽的味道，消暑絕佳選擇👍🏻—🍑芒果桃子特飲（$30）特飲以芒果和桃子為主，口感清新，帶有水果的天然甜味😙⋄✧ 𝑪𝒍𝒂𝒔𝒔𝒊𝒄 𝑴𝑨𝑵𝑮𝑶 𝑴𝑨𝑵𝑰𝑨 𝑫𝑬𝑺𝑺𝑬𝑹𝑻𝑺 ✧🍨超級芒果狂熱𝗦𝘂𝗽𝗲𝗿 𝗠𝗮𝗻𝗴𝗼 𝗠𝗮𝗻𝗶𝗮（$68）𝘔𝘢𝘯𝘨𝘰 𝘴𝘵𝘪𝘤𝘬𝘺 𝘳𝘪𝘤𝘦, 𝘗𝘶𝘥𝘥𝘪𝘯𝘨, 𝘐𝘤𝘦-𝘤𝘳𝘦𝘢𝘮, 𝘞𝘩𝘪𝘱