Orange Elephant Thai Restaurant (和富)

營業中

休息中

附近有好多泰國餐廳, 揀呢間嘅其中一個原因係, 佢每晚6:00後都有一款$1優惠菜式🤩我哋去嗰日就係炸豬扒😋雖然只係$1, 但一啲都唔hea, 豬扒鬆脆juicy, 同個甜酸醬汁好夾, 不過份量就唔係好多泰國菜入面我最鍾意嘅就係柚子沙律, 呢間好足料, 特別佢有啲焗椰絲同炸腰果, 好香脆, 配埋酸辣汁好開胃🤤🤤蠔仔蛋連煎pan上,熱辣辣, 又唔會過熟, 好味👍🏻整體唻講除咗$1菜式, 其他價錢都唔平, 不過味道唔錯, 地方夠大坐得舒服, 可以再食

星期五Happy Friday同兩個朋友一齊食飯聚下。每日都有$1優惠，今日係泰式炸蝦餅，無理由唔叫架。泰式炸蝦餅係最好食既野，炸得好香脆。雜錦串燒豬牛雞各兩串，我食左雞同豬，我覺得無特別，豬肉有啲韌。肉碎生菜包微辣，生菜唔夠包晒肉碎，肉碎溝左唔少肥豬肉。生蝦刺身呢個唔錯，幾新鮮。鹹肉椰菜苗椰菜苗好食，鹹肉就好鞋。原個菠蘿海鮮焗飯飯濕濕地，整體都ok既。芒果冰磚無我想像中甘吸引，但都唔差，冰好綿，芒果糯米飯好食，芒果唔酸。我叫左龍眼冰少冰少甜，佢地叫番石榴冰同青檸梳打。

食下午茶首先，入去坐低，好多空位，卻叫你坐門口最邊邊嗰位。我哋拒絕，才給予一個好少少嘅位。問飲品能否加錢換其他飲品，決絕話無。到埋單，就指下去邊度埋，答多句都費事。如果你想好好地享受一餐飯，有啲服務的話，就要唸下。

今晚同男友去食泰國野！今次試下新野 平時都冇食過～椰汁西米糕 $42幾新奇嘅甜品！有點似西米露架有淡淡香葉味～西米上面有椰漿cream~ 整體唔會好甜 不過搞笑有幾粒粟米🌽炭燒牛肋骨 $102好香燒烤味！好想BBQ~份量都好多 啖啖肉！調味好似食緊韓燒咁啊～焗大蝦粉絲煲 $168有兩隻大蝦🍤超級大隻！好多好多粉絲 都好入味～調味有花椒八角香葉同其他泰國配料～蛋包海鮮炒飯 $102 呢個入面炒飯底 之前用蛋皮包住都好考功夫啊～海鮮都唔求其架有炸龍脷魚，大蝦，魷魚，青口架！熱泰式奶茶 $28溫馨提示 呢間餐廳由舊鋪博文街搬左去新地址啊！加一服務費Orange Elephant Thai Restaurant (和富) (北角)北角和富道21-53號和富地下G18B號舖

餐廳環境都幾舒服唔會太光，枱同枱之間的距離都唔太最近👍👍食物方面，黃咖喱$1 優惠價的確幾抵食，唔算勁大份而且味道不錯👍《泰式豬頸肉撈金邊粉》豬頸肉的份量都唔小夠食可惜沒有配上酸辛辣醋只有辛辣《泰式蒜蓉包》$3x得幾件…..可以再多啲😆《泰式鳳爪》比較辛辣，有好多洋蔥🧅配菜食完好想飲酒🍻😆式者飲水餐廳職員好似有部分是泰國人？眼見其他客會食甜品芒果糯米飯都多人叫今次我哋無叫到，因為唔太肚餓😆

你敢相信嗎❓竟然有可以一邊吃泰國料理還可以一邊欣賞海景的餐廳‼️，除了室內的位置之外，外面還有發呆亭可以選擇直接在那邊吃飯❤️，會覺得置身於峇里島的感覺👍泰式涼拌海鮮吃起來口味偏辣🔥，但是海鮮都很新鮮，喜歡吃辣的朋友一定要試試看👍泰式打拋豬肉鹹度適中非常的下飯，光這道菜就可以吃好幾碗飯了❤️泰式檸檬魚微酸微酸的口味，完全不會有魚的腥味👍，重點是魚肉很新鮮又嫩😍金錢蝦餅每個都好大一塊的蝦餅，相當的厚實口感紮實，每一塊都可以吃到蝦子❤️金莎咖哩白蝦金黃色的金沙醬蓋滿了蝦子，沒有翻開都沒有發現裡面竟然還有蝦子😂🌟泰式涼拌海鮮🌟泰式打拋豬肉🌟泰式檸檬魚🌟金錢蝦餅🌟金沙咖哩白蝦

又放飯啦，今次坐電車去到和富中心食一間泰國野。啱啱去到唔洗等位就有得入座，圖型梳化大枱，我哋決定叫幾樣share食。冬陰公湯 3.5/5湯有菇有蝦有洋蔥有蕃茄，酸辣得黎又夠香，唔會太死，有層次既變化。係個碗上菜太樣衰，又唔抹碗邊，影響影相既機會。泰式豬頸肉撈金邊粉 4/5呢個就上菜令啦，食之前倒調味料落去再撈起佢，豬頸肉燒得夠香，金邊粉掛上風味醬汁真係好食。芒果糯米飯 4/5呢間都係因為好多芒果甜品好食所以出名，去唔到泰國都可以照食芒果糯米飯，軟糯香暖既飯粒，唔乾又唔會過濕，芒果夠甜，加上椰漿滲透落去飯粒同果肉之間，食得樂而忘返。地點:喺商場門口係要搭扶手樓梯落去一層先到個個地下商場，唔熟路就會好難搵到個門口。環境:寬鬆既坐位，泰式既格調，唔會太迫，保持舒服既距離。價錢:合理，100蚊食到泰國風味仲有甜品，係要奢侈一下食個午餐。服務:識得主動比甜品碟，飲冬蔭功既碗，自助落單，睇唔到特別野。

位於和富中心 有間泰國🇹🇭菜餐廳環境都幾靚 坐得幾舒服原來成日都有$1 優惠日日都有唔通今次我哋食$1 優惠就有黃咖哩但係份量就比較小得一碗仔有薯仔🥔 同雞《蒜蓉包 》$32 不過不失只係份量得幾件，有啲小《泰式鳳爪 》正常份量，味道都正常的《泰式豬頸肉撈檬粉》無配酸醋有點奇怪，只係配辛辣sauce 最後都無叫到芒果甜品因為間餐廳的冷氣太勁愈坐愈覺得冰凍🥶下次會試明爐魚同海南雞

轉眼間已經搬來港島區兩年多，今天因為想同外地回港的朋友聚聚，所以回到久沒踏足的北角區，這裡轉變真係相當之大，多咗好多商場同食肆，今日選擇咗和富裏面的這間泰國菜，下午嘅set lunch有飯有粉有沙律，價格都係喺$60樓下，環境舒適我哋兩個叫嘅冬陰功湯粉都好好食，對得起呢個價錢。日後有機會喺北角食晚餐再試多啲嘢先！

伏!伏!伏! 好伏既咖哩海鮮農夫包，#中產窮L 好仲意食咖哩海鮮農夫包，所以，基本上去到每間星馬泰餐廳都會食，但呢間真係令我印象深刻#中產窮L 2個人食，撇除紅椒青椒外，每人只可以分到1隻好乾好柴皮既蝦(仲要係連蝦殼)，1隻青口，同1舊魚肉，無啦，完。講下個農夫包，農夫包就冇咩點焗過，唔脆，淋啤啤。至於個咖哩，都幾唔咖哩味，除左有d 辣味，就無咖哩味，平時小編會用面包點哂d 汁，今次大部汁都剩番低。總括而言，個農夫包真係好少材料，仲要收148蚊。

#蛋的泰國菜食評{orange elephant thai restaurant} 午市食物份量大 午市套餐普通 炸物拼盤熱辣辣好食芒果冰入口奶味濃郁而且唔容易溶整體環境不過不失 職員態度幾好 2人檯唔夠大放曬d野食都肯幫手換檯食物質素：7/10環境：7/10服務：8/10#hkfoodie #foodblog #香港美食 #美食推薦#美食指南#hkfoodllover #hkig #香港好去處 #放假好去處 #oodlover #foodstagram #hkfoodblogger #互follow #互追＃互讚#olowforfollowback#ollowforfollows #北角美食＃泰國菜#泰國菜推介

慶祝生日成日食西餐，朋友話想轉下口味，look look Openrice見到間泰國菜都吾錯，個個都舉腳讚成，全部泰國精位置較穩蔽吾係繁忙街道，係一個屋苑商場裏面，可能因為咁所以十點就關門，與此同時各侍應9:15pm開始努力清場，搬運將要/準備要清洗既用品行來行去，仲不斷"温馨提示"關店時間，不到9:45已將我地枱面一掃而空食物質素係幾好，特别喜愛泰式明爐烏頭魚，酸辣適中，配菜吸味之後相當好食。泰式併盤亦出色，種類算多，特别蝦餅好彈牙最後要讚係甜品併盤，完全满足到各人口味，芒果雪糕印象最深刻。在趕收工既氣氛下趕住食，影相時間都差d無

2022-09-09同女朋友收工一齊去跑台山🏔去咗間叫Orange Elephant餐廳🐘餐廳主打食泰國菜同芒果系列甜品🥭入到餐廳，有位泰籍店員就操流利廣東話，問我哋幾位😉星期五晚市時間，入座時無乜人，食完走就爆場😱店員安排我哋坐兩人枱，都幾細張枱🤭店員好好介紹，堂食嘅1蚊優惠🤗我哋點了，蛋包海鮮炒飯，98蚊碟，好似蛋包飯既做法，包住海鮮炒飯，幾特別，炒飯都幾有鑊氣，味道方面偏淡味，以泰國菜來說比較清淡，唔係好啱我咁重口味，正常味道😐咖喱海鮮脆包盅，148蚊碟，咖喱入邊有蛋絲，令到成個咖喱更加香滑，加埋青椒同洋蔥咖喱更加香甜，無辣嘅感覺，包嘅外皮非常脆，但要盡快食個包，因有太多咖喱汁，會好快就淋哂，海鮮都足料，必試呀😎泰式炸蝦餅，1蚊碟，餐廳就每晚唔同嘅1蚊優惠菜式，聽店員講早幾日係一鍋烏頭魚，做優惠，講返炸蝦餅，有六嚿上菜，同平時去飲嘅炸蝦球味道好似，加上泰式辣醬食，酸甜味道好開胃，伴碟有幾嚿酸瓜，1蚊碟味道又唔錯，無投訴😜芒果冰特飲，36蚊杯，本身諗叫芒果西米露，暫停供應，但芒果冰都好足料，有好幾粒芒果肉喺特飲面頭，入口好冰凍，係超甜嘅芒果味，幾好飲，下次會叫少甜🥳整體環境都幾乾淨

每星期要食兩次魚🐟， 才是健康的飲食， 今日食泰國菜 ，專登點了條香料燒焗鰂魚， 燒焗鰂魚製作需時， 食住其他嘢先， 又點了 咖哩麵包焗海鮮 ，牛肉碎生菜包， 仲有 炒椰菜苗 。炒椰菜苗非常好食，鮮嫩翠綠 ， 火候剛好。 咖哩麵包焗海鮮， 稍為失色， 冇乜鮮味， 海鮮也少， 牛肉生菜包就太辣， 牛肉有好多筋， 所以食剩好多。😏 重頭戲就係條 焗鰂魚 ，條魚好大， 燒得好香 ，切開條魚時 ，裏面的肉雪白 香味四溢， 問過店員 ， 原來係用幾種香料包括香茅 ，金不換， 同南薑， 鋪滿海鹽燒焗 ，加上側魚魚油多 所以非常之香 ，呢個菜好有特點 ，值得推薦。

朋友生日首選泰國菜，又太喜歡呢間的芒果甜品，尤其芒果冰磚 $75～必食一個不能共享芒果糯米飯 ～ 另上椰醬淋上糯米飯配上香甜芒果一粒粒，真係好好味芒果特飲～香甜芒果磨成蓉配上冰，越飲越凍沙律有2款酸辣去骨鳳爪$75 及柚子蝦沙律$77味道啱啱好，不會太酸焗大頭蝦粉絲煲 $159 ～ 蝦🦐好大隻，全部在煲內要找番出來拍照香料燒焗鰂魚 $149 ～ 燒焗剛好，肉質都算滑燒原隻魷魚筒 $99 ～ 無什麼特別星期五訂左位，去到就有位，坐坐下都全院爆滿，環境都舒服的，點菜要用電話自行點，但商場收WiFi 麻麻地