影片
更多
2025-03-17
98 瀏覽
唔講都唔知，係南洋中心居然有呢一間世外桃源嘅餐廳！質素極高，服務又好，全部飛機來貨。✨廚師精選刺身誇張嘅一大盆嘅刺身，包括左現階段嘅時令：螢光魷魚同鯛魚白子魚肝；另外亦都有薄切池魚、劍魚、火炙過嘅赤身，真係要用好鮮好甜去形容。池魚魚肉晶瑩剔透，入口爽嫩，劍魚厚切得黎極為豐潤✨龍蝦沙律堆砌得滿滿嘅一座小山丘，鋪上左蔥花同埋蟹籽粒粒，入口真係食到啖啖龍蝦肉。✨雞泡魚干居酒屋最喜歡嘅前菜之一，好香口又夠口感！另外沙律醬上面加上七味粉，亦都係最佳配搭✨鐵板蒜心炒鴨心鐵板已經夠晒鑊氣，但係俾人感覺又唔會太油膩，鴨心煙煙韌韌嘅口感搭配爽脆嘅蒜心，好食！✨濃湯蝦烏冬天氣一個急降就當然一個熱湯烏冬，湯底濃郁唔會好鹹，烏冬口感滑捋捋，另加入咗大蝦，更帶點海鮮嘅香氣✨粟米天婦羅🍤吸油紙上基本上係冇多餘嘅油份，炸粉好薄，但係依然能夠做到脆卜卜嘅口感✨苦瓜炒豚肉苦瓜切一少片，連同雞蛋食落完全冇苦澀味，豚肉肥瘦相近，面頭灑上咗木紫魚更有日本風味✨田樂豆腐平時最怕豆腐上面嘅配料過鹹，但係呢一間餐廳處理得恰到好處。豆腐煎得剛好外脆內嫩，咬落去居然有爆汁嘅效果！
✨廚師精選刺身
誇張嘅一大盆嘅刺身，包括左現階段嘅時令：螢光魷魚同鯛魚白子魚肝；另外亦都有薄切池魚、劍魚、火炙過嘅赤身，真係要用好鮮好甜去形容。池魚魚肉晶瑩剔透，入口爽嫩，劍魚厚切得黎極為豐潤
✨龍蝦沙律
堆砌得滿滿嘅一座小山丘，鋪上左蔥花同埋蟹籽粒粒，入口真係食到啖啖龍蝦肉。
✨雞泡魚干
居酒屋最喜歡嘅前菜之一，好香口又夠口感！另外沙律醬上面加上七味粉，亦都係最佳配搭
✨鐵板蒜心炒鴨心
鐵板已經夠晒鑊氣，但係俾人感覺又唔會太油膩，鴨心煙煙韌韌嘅口感搭配爽脆嘅蒜心，好食！
✨濃湯蝦烏冬
天氣一個急降就當然一個熱湯烏冬，湯底濃郁唔會好鹹，烏冬口感滑捋捋，另加入咗大蝦，更帶點海鮮嘅香氣
✨粟米天婦羅🍤
吸油紙上基本上係冇多餘嘅油份，炸粉好薄，但係依然能夠做到脆卜卜嘅口感
✨苦瓜炒豚肉
苦瓜切一少片，連同雞蛋食落完全冇苦澀味，豚肉肥瘦相近，面頭灑上咗木紫魚更有日本風味
✨田樂豆腐
平時最怕豆腐上面嘅配料過鹹，但係呢一間餐廳處理得恰到好處。豆腐煎得剛好外脆內嫩，咬落去居然有爆汁嘅效果！
張貼
