韓雅林

營業中

休息中

今日又嚟試下香港正宗嘅韓國菜＜韓雅林＞😍 呢間餐廳喺銅鑼灣廣場開咗好多年，質素非常有保證🫶🏻 餐廳好大，而且裝修好有貴氣，尤其是近窗口嗰啲嘅卡位。另外仲有獨立房間，十幾人坐都冇問題🥰首先嚟咗啲前菜，有兩款唔同嘅泡菜，仲有菠菜，芽菜，沙律，薯仔，豆腐同茄子，樣樣都好好食，我最鍾意食係新鮮泡菜，嗰種爽脆真係一流😌🌟醬油蟹 + 紫菜飯呢度嘅醬油蟹配料都講究，有蒜片，蕃茄粒同埋檸檬汁，出奇咁夾。醬油蟹質量高，蟹身嘅膏真係好多又夠厚，配埋紫菜飯同蛋黃一齊食，真係食幾隻都冇問題😂🌟辣炒章魚辣炒章魚真係好考啲間餐廳嘅功力，章魚同蔬菜嘅比例同埋個辣醬都好好食。本身個味道已經炒得好香，佢仲特別有少少辣醬喺上面，真係超級惹味，仲配埋兩個韓國麵團，配埋辣醬食，一試難忘🥰😗韓牛雪濃湯 + 白飯濃厚嘅湯裏面有牛肉片同埋鮑魚片，落少少鹽調味，成個人都暖曬，天氣凍或者個人好攰，食呢個真係好窩心🤩＜韓雅林＞真係唔使多介紹，喺銅鑼灣出曬名😎除咗好食，佢有啲傳統菜式係出面一定食唔到，就好似南瓜燉牛排骨，我下次一定要試🤩 另外，佢啱啱都有個秋季菜單出左，啲松茸好似好吸引，仲有蒸梭子蟹同埋花蟹湯等，大家過開黎銅鑼灣一定要試下