新肥泉海鮮大排檔

營業中

休息中

今次同友人第一次食新肥泉，位置方便，因為係閒日，人唔算多。蜜椒牛柳薯仔粒經典小炒，一口牛肉粒嘅size加埋薯仔蜜椒，炒得香口，肉質外脆內軟，送酒送飯都一流。椒鹽九肚魚炸漿夠薄，入口酥脆，九肚魚夠滑，配埋炸蒜，食指大動。醬皇燒生蠔第一次食呢味餸，真係相逢恨晚。生蠔飽滿冇腥味，配紅燒醬汁。呢個組合真係一絕，味道鮮甜，又有鑊氣，口感又好。呢次成功搵到呢個出色抵食，位置又方便嘅大排檔，下次gathering 又多個好選擇了。