鮨燐

營業中

休息中

今日去咗尖沙咀嘅鮨燐食omakase，預早book位去到，平日夜晚都滿座，人氣幾高咁。難得嚟到就食好少少試佢最貴嘅set，$1880有七款刺身、兩款熱食、六款壽司、熱湯同甜品。要讚一讚佢嘅刺身，夠晒新鮮所以食落去好鮮甜，日本產嘅蠔夠晒大隻，仲有長腳蟹嘅蟹膏蟹肉都好鮮味。仲有最後一樣磯煮鮑魚，醬汁係用鮑魚肝等材料細心處理同烹調，味道有少少似蟹膏咁鮮，而且冇咁鹹，所以師傅比左壽司飯配埋黎食。熱食方面食晒兩款之後，特別要一提佢嘅法國龍蝦，個龍蝦湯好濃郁，但唔係平時個啲靠落左忌廉嘅濃味，食得出真係用好多龍蝦肉煮出嘅鮮味。總括黎講真係食物質素好好，服務水平又高嘅一間餐廳。