Morton's of Chicago

終於book 到呢間位於喜來登酒店內既扒房，但揸車嘅朋友注意啦，餐廳消費係用唔到免費酒店代客泊車服務。不過有樣特別嘢，就係只要訂枱嘅時候，講係慶祝紀念日，菜單上就會寫上當日日期同慶祝目的。都算係幾貼心特別嘅整個環境係經典美國扒房風格，暗暗既燈光，好有情調。星期一既晚飯時間，餐廳係滿座，所以窗邊位置較難預約。3 course 2人set 包括前菜，主菜+配菜，甜品，非常滿足。龍蝦湯熱辣辣又濃郁嘅龍蝦味，以呢個級數嘅餐廳，絕對符合期望。牛扒基本上跟set 嘅主菜都有牛扒嘅選擇，不過我地就加錢升級做New York Strip。慶祝當然要食好D 啦！靚貨+Grilled 得好= 完美三文魚柳配蟹餅嚟到扒房又係無得唔試下D 蟹餅呢d 基本嘢，無失望！深海龍蝦尾調味適中，整得無過老，肉質仍然係好有彈性，值得叫嘅！甜品朱古力蛋糕配雲呢拿雪糕，仲寫上慶祝字句，靚！