影片
更多
2018-11-05
1223 瀏覽
之前行過朗豪坊都想食呢間自助餐好耐，今日老公竟然畀驚喜我帶我嚟呢度食。餐廳裝修闊落光猛，樓底好高，枱與枱之間好多位。職員加水都快手。一開始食凍盤。蝦，蜆，藍青口都好新鮮，冇怪味。蠔清甜又大隻。龍蝦鉗啖啖肉，不過稍微淡咗啲。火炙壽司好特別，好少自助餐會有。最好食係三文魚芝士火炙壽司，鰻魚壽司被比下去。芝士蝦丸最好食係個汁。印度咖哩都好好味，有好多香料。芝士薯仔好香甜，反而扇貝太細粒又鞋，有啲失望。好彩個芝士焗龍蝦挽回唔少分數，啖啖彈牙龍蝦肉。回本之選。當然唔少得甜品。蘋果金寶，雖然細細隻但好足料，入面有粒粒蘋果肉。馬卡龍偏甜但都有應有口感。流心芝士撻雖然好膩，但真係好好食。藍莓慕斯杯不過不失。芒果芝士蛋糕芒果味重過芝士味，反而個樣平平無奇白色嘅夾心芝士蛋糕最好味。
餐廳裝修闊落光猛，樓底好高，枱與枱之間好多位。職員加水都快手。
一開始食凍盤。蝦，蜆，藍青口都好新鮮，冇怪味。蠔清甜又大隻。龍蝦鉗啖啖肉，不過稍微淡咗啲。
火炙壽司好特別，好少自助餐會有。最好食係三文魚芝士火炙壽司，鰻魚壽司被比下去。
芝士蝦丸最好食係個汁。印度咖哩都好好味，有好多香料。芝士薯仔好香甜，反而扇貝太細粒又鞋，有啲失望。
好彩個芝士焗龍蝦挽回唔少分數，啖啖彈牙龍蝦肉。回本之選。
當然唔少得甜品。蘋果金寶，雖然細細隻但好足料，入面有粒粒蘋果肉。馬卡龍偏甜但都有應有口感。流心芝士撻雖然好膩，但真係好好食。藍莓慕斯杯不過不失。芒果芝士蛋糕芒果味重過芝士味，反而個樣平平無奇白色嘅夾心芝士蛋糕最好味。
張貼
