宴 尖沙咀

老媽話好想試下日本菜，啱啱好我知道附近有間日本菜味道唔錯，又有火鍋放題，就帶咗老媽去試下我哋點咗呢度出名嘅松餐放題，除咗所有食物任食，就連松葉蟹都係任食，真係太抵啦！松葉蟹嘅蟹肉非常肥美，厚厚嘅每一口都係精華！入面充滿咗蟹肉獨有嘅香氣，越食越惹味！呢度除咗有豚肉同雞肉，仲有上等嘅和牛肉，每一種肉都非常新鮮，再搭配上等嘅醬油湯同豬骨湯，每一種嘅口味同口感更加豐富。尤其老媽最鍾意和牛肉配豬骨湯，味道非常濃郁香甜，和牛嘅油脂香味喺煮嘅時候都撲鼻而來食咗一啲肉，再嚟一啲蔬菜拼盤，唔止可以綜合一下口味，仲能帶嚟一啲新鮮感，更加開胃，可以食得更加多美食！我仲要咗刺身拼盤，入面有帆立貝、左口魚、三文魚，老媽食唔慣生食，不過我就超級鍾意食，每一樣刺身都新鮮可口，每一口肉都鮮甜鮮美，仲可以享受海鮮本身最原始嘅口味我同老媽都非常享受，喺呢度度過咗一段愉快嘅晚餐時光！