世記上海麵店

營業中

休息中

決定食飽飽先出發效遊。聽講大埔行市上面有間食河粉嘅鋪，抵食又好食。今次就嚟到「世記上海麵店」。雞翼、雪菜肉絲河（$34）雞翼size好大隻，仲好香蒜味。雞翼有用炸粉炸過，不過係似日式天婦羅咁薄薄一層炸粉，所以食落食有小小脆口感，但唔會成口都係麵粉漿。出奇地，d肉好嫩同好多汁水，再溝埋果種蒜香味🤤🤤🤤。豬扒、菜肉雲吞河（$34）豬扒同雞翼一樣係用薄粉漿去炸，一樣係有蒜味。值得一提嘅係豬扒都切得幾厚身，一樣做到嫩滑多汁水，真係可以啖啖肉又可以嫩滑多汁👍👍。其實2碗河粉嘅量都好多，食極都仲有。湯就係好清，非常清嘅，而河粉加咗小小炸菜，所以就算湯底清，都仍然食落有味。因為好多人嚟食😂都要等20-30分鐘先有得食，所以趕時間嘅可以改時間嚟食啦。