阿木台灣麵 (豉油街)

營業中

休息中

就算暫時去唔到台灣旅行，但係無阻我時不想食台灣美食嘅心。呢間標榜傳承台灣味道60年嘅小店，希望令我可以止止渴先。好少食店會講自己傳承咗幾耐幾耐，因為本身開店都無咁耐，真係無咁上下板斧都唔够膽認，又睇下佢係咪咁名符其實先。我哋人少少，點咗基本個個入來都點嘅紅燒牛肉麵／台灣腸便當／招牌芝士肉鬆蛋餅，味道點呢？紅燒牛肉麵牛肉大大舊，煮到淋得來都重有咬口，牛味濃，用紅燒嘅煮法，令牛肉好有香辣味，香大過辣，所以唔食得辣都無有怕，我呢啲重口味之人追住食。台灣腸便當台灣腸可以話係我最鍾意嘅，口感好脆，味道偏甜，呢個就係台灣腸獨特之處，我就就係鍾意佢嘅甜，重有片片嘅生蒜，一片腸一片生蒜，口感香甜又辛辣，好滋味，滷肉飯已經唔係重點，但係都好好味，油香滿滿，但係又唔油膩。呢個餐好豐富，仲配咗3個特色前菜。招牌芝士肉鬆蛋餅睇下佢啲芝士，爆晒出嚟啦，好好味，蛋餅比較煙韌，加埋半溶拉絲芝士肉鬆，口感咸香豐富，可以話係絕配。食完終於知道傳承60年台灣味，果然名不虛傳，難怪佢:咁有guts下次我知道來呢度搵台灣味，止止台灣癮㗎啦。