影片
更多
2024-01-06
56 瀏覽
老細食鱔日記🪱5 老細成日掛係口邊嘅兩句說話，我每次聽完我都會嚇一跳，然後得啖笑。第一句係你哋做嘢多啲同理心得唔得。第二句係，點會咁做野架，我都唔明點解你蠢到隻豬咁。啲同事知道佢係因為食左鱔🪱，所以都特別體諒。其實係任何一個環境，表現出同理心，絕對係令到事情圓滿咁完成嘅重大關鍵。不過應該喺雙方面嘅同理心。呢間Omakase既師傅同埋員工，就絕對做到。 ✨️師傅係日本籍，雖然佢大部份時間都係講日語，但係成餐飯，佢都帶俾大家意想不到嘅投入感同埋體驗。佢由入門口開始，一直面帶笑容，而且非常有禮貌，喺製作過程之中當然唔少得講解材料嘅特色，由待應小姐翻譯。但最緊要嘅係佢分享嘅唔喺書本式嘅講法，而係一啲親身體驗，一啲傳統嘅日本文化，一啲食材本身既故事，同埋同客人溝通之中所產生嘅共同話題，甚至將個別客人都聯繫起黎，令人更加有親切感。你想像唔到，喺佢有限嘅廣東話同英語嘅情況下，呢晚咁多人都可以優雅咁暢所欲言。 🍖呢一餐嘅食物，前菜五點，刺身五點，煮物，燒物，壽司...我冇刻意去配對餐牌上面寫既同埋實際食既野，但係我肯定餐牌雖然豐富，但係我食既野一定多於餐牌所寫。哩個就係因為師傅嘅好客之道同埋同理心。由於
老細成日掛係口邊嘅兩句說話，我每次聽完我都會嚇一跳，然後得啖笑。第一句係你哋做嘢多啲同理心得唔得。第二句係，點會咁做野架，我都唔明點解你蠢到隻豬咁。啲同事知道佢係因為食左鱔🪱，所以都特別體諒。其實係任何一個環境，表現出同理心，絕對係令到事情圓滿咁完成嘅重大關鍵。不過應該喺雙方面嘅同理心。呢間Omakase既師傅同埋員工，就絕對做到。
✨️師傅係日本籍，雖然佢大部份時間都係講日語，但係成餐飯，佢都帶俾大家意想不到嘅投入感同埋體驗。佢由入門口開始，一直面帶笑容，而且非常有禮貌，喺製作過程之中當然唔少得講解材料嘅特色，由待應小姐翻譯。但最緊要嘅係佢分享嘅唔喺書本式嘅講法，而係一啲親身體驗，一啲傳統嘅日本文化，一啲食材本身既故事，同埋同客人溝通之中所產生嘅共同話題，甚至將個別客人都聯繫起黎，令人更加有親切感。你想像唔到，喺佢有限嘅廣東話同英語嘅情況下，呢晚咁多人都可以優雅咁暢所欲言。
🍖呢一餐嘅食物，前菜五點，刺身五點，煮物，燒物，壽司...我冇刻意去配對餐牌上面寫既同埋實際食既野，但係我肯定餐牌雖然豐富，但係我食既野一定多於餐牌所寫。哩個就係因為師傅嘅好客之道同埋同理心。由於處理食材需要時間，有啲時候前一道食物有d客人食得比較快，客人又有叫到酒，師傅就非常體貼咁提供唔同嘅佐酒小食。
🍖我想特別提及幾樣我特別有印象嘅菜式。刺身五點當然是非常新鮮，魚肉肥美，貝類爽甜，下面伴碟的紫蘇葉味道其實非常之香，當我猶疑喺咪應該食埋佢嘅時候，師傅羅出紫菜，並將紫蘇葉同另一樣伴碟嘅蘿蔔絲夾埋一齊，再以手卷形式俾返我食，簡單嘅配料，夾埋一齊竟然可以散發出一種咁特別嘅清香，簡直係媲美成為一道主菜。
🍖壽司之中其中一種係壽司之中其中一種係鯥魚，肉質彈牙，油脂豐富，又入口即融，而且有一種獨特的油香，非常甜美。原來師傅一種係比較時令，但係價錢相當貴既魚種。值得一試。
🍖鰻魚壽司，相信就係係餐俾上寫既強肴，製作過程非常有趣，師傅攞出一樽野聞下，然後做出好臭嘅表情，跟住將裡面嘅醬汁查係鰻魚之上，再用火去燒，最後造成壽司。到我手上，我又唔覺得臭喎，充滿鹹香。後來師傅解釋呢一種係用吞拿魚內臟醃製出來嘅酒盜，佢嘅味道可以作為最好嘅下酒菜。除左好味，師傅嘅身體語言亦都加強左我地對食物嘅期待同埋想像。
🍺佢地自家製嘅清酒順滑易入口，而且用12獸首嘅金屬杯來盛載，更加令人有chill既感覺。
同理心永遠都唔係單方面，我地感受到師傅嘅熱情，同對食物嘅珍而重之。真係好想帶食鱔老細🪱黎，等佢知道哩個世界除咗鱔之外，別人眼中好食嘅嘢，佢都要識得欣賞。
張貼
