麥奀雲吞麵世家 (山頂廣場)

營業中

休息中

小時候這間雲吞麵同另一間Ｘ文記都已經好出名，原因不詳，可能因為好多美食博客都推介過（？）但因為小時候零用不多，而這間比一般雲吞麵貴2-3 倍價錢，份量卻小一半，所以好少機會食到。不過一直以來印象都係好好食的。最近有外國朋友來港，而佢又話想試多點香港的地道小食，所以名單上一直都有「雲吞麵」。咁岩去山頂玩，經過麥奀，就當一餐下午茶。其實都好耐冇食啦，所以都有私心既。碗形餐牌，都幾特別。印象中餐牌冇乜變，不過價錢就比記憶中再貴左唔少（可能因為山頂關係）。廢話唔多講，即點一碗雲吞麵！同行外國人就點了雲吞水餃麵。以前人地講麥奀好食，主要都係3個原因：麵冇鹼水味、湯不搶喉、雲吞全蝦冇撈豬肉入去。今日食返，同記憶中既味道差唔多，以前好怕食粉麵店的麵，因為鹼水味太重，但唯獨是來這一間，一定要叫麵。幾啖食晒，份量好少，總是不夠喉想叫多一碗。下午茶時份人不多，可以慢慢坐，睇住玻璃入面的師傅煮麵。雲吞麵佢未必係最好食，不過味道真係令人好懷念！