鐵牛台灣牛肉麵 (希爾頓大廈)

營業中

休息中

幾日轉涼最啱就係食返啲熱辣辣嘅嘢，今日嚟到尖東一帶食呢一間鐵牛台灣牛肉麵。我同朋友叫咗台灣本土麻辣鴨血鍋同台灣臭臭鍋，配料相當豐富有蔬菜鴨血豆腐魚皮餃粉絲等等，份量超級大之餘，味道都好出色，個人比較喜歡麻辣鴨血鍋，麻辣味道剛好，而且鴨血嘅口感彈牙，香辣味令到所有配料都好好食。而台灣臭臭鍋就如佢其名，非常之臭，鍾意食臭豆腐嘅朋友就可以去試吓，因為佢配料嘅豆腐加埋佢個湯底，成個味道勁似臭豆腐，整體都好唔錯！另外仲見咗小食牛腱同埋椒鹽拼盤，牛腱肥瘦均勻，牛肉味道香濃，再加埋滷水味道好好味。而椒鹽拼盤嘅份量都好多，有鹽酥雞花枝丸都幾正 嘢飲方面，仲有台灣道地嘅飲品選擇，我就叫咗佢嘅蜂蜜綠茶，茶香出色。另一杯係柳丁綠茶椰果，調味剛剛好，好啱食鍋物一路飲！整體嚟講呢間舖頭嘅食物質素都幾唔錯，口痕想食台灣嘢飲台灣嘢飲依間都係一個好好嘅選擇！