影片
更多
2022-12-19
43 瀏覽
鋪頭裝潢充滿台灣風格，同事帶小小工業風，座位與座位間既距離比較近，但店員見到我地有拎袋都好主動拎左兩個籃比我地擺放物品。餐廳主打滷味，同時亦有提供台式食品飲品，我曾經係銅鑼灣分店岩岩開張時食過一次，味道都幾好。當日叫左滷味、台式鹵肉飯、黃金甜不辣拼芝士麻薯波波及SHAKE SHAKE紫菜鹽穌雞，另外再叫左杯黑糖珍珠奶茶。滷味選擇都幾多，款款都幾吸引，最後嗌左蜂巢牛肚、蘿蔔配出前一丁，由於我鍾意食爽D既麵所以叫左一丁，滷味汁咸香十足，八角味十分出，蜂巢牛肚入味爽口唔柴，蘿蔔煮得入味變哂色，食落多汁無渣，配上出前一丁食，岩哂重口味人士。台式滷肉飯汁好香豬油味，食到粒粒肥豬肉，十分邪惡，滷肉汁調味均衡唔會過咸而且汁多夠撈飯，高質。SHAKE SHAKE紫菜鹽酥雞，上菜時以鐵籃裝住，另外會跟一盒紫菜及紙袋好似SHAKE SHAKE薯條咁玩，鹽穌雞炸得酥脆，調味唔會過咸，不過紫菜無咩味，SHAKE完得小小紫菜味。黃金甜不辣拼芝士麻薯波波，甜不辣炸脆後外脆內邊煙韌，味道好而且份量好多，芝士麻薯波波外皮炸脆口，咬爆後溢出芝士，咸香十足。黑糖珍珠奶茶好靚仔，店員係杯內以黑糖畫左紋，飲落茶味足，唔會太甜
餐廳主打滷味，同時亦有提供台式食品飲品，我曾經係銅鑼灣分店岩岩開張時食過一次，味道都幾好。
當日叫左滷味、台式鹵肉飯、黃金甜不辣拼芝士麻薯波波及SHAKE SHAKE紫菜鹽穌雞，另外再叫左杯黑糖珍珠奶茶。
滷味選擇都幾多，款款都幾吸引，最後嗌左蜂巢牛肚、蘿蔔配出前一丁，由於我鍾意食爽D既麵所以叫左一丁，滷味汁咸香十足，八角味十分出，蜂巢牛肚入味爽口唔柴，蘿蔔煮得入味變哂色，食落多汁無渣，配上出前一丁食，岩哂重口味人士。
台式滷肉飯汁好香豬油味，食到粒粒肥豬肉，十分邪惡，滷肉汁調味均衡唔會過咸而且汁多夠撈飯，高質。
SHAKE SHAKE紫菜鹽酥雞，上菜時以鐵籃裝住，另外會跟一盒紫菜及紙袋好似SHAKE SHAKE薯條咁玩，鹽穌雞炸得酥脆，調味唔會過咸，不過紫菜無咩味，SHAKE完得小小紫菜味。
黃金甜不辣拼芝士麻薯波波，甜不辣炸脆後外脆內邊煙韌，味道好而且份量好多，芝士麻薯波波外皮炸脆口，咬爆後溢出芝士，咸香十足。
黑糖珍珠奶茶好靚仔，店員係杯內以黑糖畫左紋，飲落茶味足，唔會太甜，珍珠就正常。
總結黎講餐廳食品種類多，有飯有麵，而且價錢唔貴，如果掛住台灣滷味可以過黎食佢止下口癮。
張貼
