築間酸菜魚

營業中

休息中

知道築間酸菜魚在台灣甚多分店，今次終於開到嚟香港；見在銅鑼灣開咗第一間，趁晚飯時間試下過江龍酸菜魚有無料先！首先，餐廳地段無敵，在銅鑼灣港鐵一出上廣場就到達！落雨都唔怕！其次，到達餐廳，見到餐廳裝修十分光亮，而且嘅呈漫畫風格，好特別！門口亦大大隻字寫著「湯比魚更鮮」，十分吸精！餐牌上都有唔少口味的酸菜魚可選擇，今次叫了一人份量的總長酸菜魚及純愛蕃茄魚；可嘗試不同口味！基本上，魚肉質鮮嫩，亦有不少配菜如雲耳，腐竹，芽菜同寬粉。湯底上只有統一辣度，加上花椒乾椒，及酸菜，飲落十分惹味，辣味不會蓋過魚的鮮味！而蕃茄湯底酸酸甜甜更加令人開胃。當然可選擇另加配料，大大滿足！台灣炸物亦是必叫，像置身台灣夜市！今次叫了甜不辣及復刻炸排骨（限量）。炸物是新鮮炸起，炸排骨口感鬆脆；甜不辣是魚肉來，完全沒有魚腥；加上調味粉帶着鹽味和辣椒粉的，小食一流。怕熱氣的我，叫了一杯冬瓜檸檬菜及波子汽水沙瓦。如果唔飲凍飲的朋友，餐廳有提供洛神花及陳皮水可以自助沖，好貼心！整體上，我個人挺喜歡它能提供不同份量的酸菜魚，一個人食又得，一大班人食又得！