豐盛牛肉麵

營業中

休息中

星期六放半晏，但收遲左，返到屋企附近已經3點幾4點，午飯太晏，晚飯又太早，行經呢間台灣麵店。鋪頭好細，大約得10零個坐位，有小小迫挾。店內主打牛肉麵同各類台式小食，亦有珍珠奶茶之類既台式飲料。我叫左細碗肉燥飯肉燥飯本身有分大碗細碗，見唔算太餓叫左細。細碗的確好細，大約只有平常飯碗大半碗咁上下，細食既女士加埋杯奶茶應該剛剛好。雖然碗仔細細，但肉燥份量十足，每一啖都食到肉燥同肉汁。味道當然比不上台灣當地，但都算不過不失，肉汁充足，半肥瘦肉碎有油香。要黎燜肉燥既葱穌好大粒，不夠細緻。好在肉燥中加左d咸菜葡，令口感冇咁單調。