豐盛牛肉麵

營業中

休息中

土瓜灣紅磡一向不乏美食，上個月去咗台中旅行，最近開始對牛肉麵念念不忘😆豐盛牛肉麵位於北帝街，附近一帶有吾少美食，呢間小店都幾多人幫襯。🐔 酥脆鹽酥雞 （大） $36食台灣菜最中意食鹽酥雞，鹽酥雞外皮香脆，內裡雞肉嫩滑🐔有九層塔更增添香氣。🍠 黃金脆薯（大） $34講到台灣小食，其中一樣最出名嘅非蕃薯條莫屬，口感非常香脆，表面灑滿梅粉，酸酸甜甜開胃。蕃薯蓉香甜軟綿，好容易食到好多😋🐮 蕃茄牛肉麵 $62蕃茄湯味道酸甜，真材實料，充滿台式風味。牛肉頗有驚喜，口感軟稔易咬，每一口亦食到濃厚蕃茄味❤️🐮 招牌豐盛牛肉麵 $66叫得豐盛牛肉麵果然名不虛傳～有金錢𦟌 牛腩 牛筋 丸子兄弟 滷蘿蔔，金錢𦟌同牛腩口感實在。丸子兄弟即貢丸同墨丸，兩款丸類同樣爽口彈牙。湯底充滿台式風味。☕️ 胚芽奶茶 （跟餐價$8）表面灑滿胚芽，本身甜度吾高，茶底香醇，啱曬我本身減開肥嘅就系想冇咁甜👍🏼有淡淡穀物香味🌾

同朋友一齊嚟咗呢間食台灣牛肉麵嘅麵店開餐🤣$56「紅燒牛肉乾拌麵」：餐牌咁樣寫《｛牛肉｝特選金錢細腱，用心滷製，大塊切條提升口感》🤣；牛肉夠晒軟熟，乾拌麵🍜幾煙靭🤣$55「台南滷水豬手滷肉飯」：豬手炆煮得好腍🤣$27「蔥油青菜🥬」：青菜係油麥菜，油麥菜幾新鮮，仲加咗蔥油咁味道就濃郁啲🤣$32「肉燥拌青菜🥬」：青菜都係揀油麥菜，加埋肉燥又豐富啲啲🤣$35「肉燥小茄子🍆」：小茄子🍆軟熟，配肉燥食幾夾🤣$35「手工五香肉卷🫔」：自家製手工豬肉卷🤣跟餐加 $8「胚芽奶茶熱」、跟餐加 $10「胚芽奶茶凍」：「胚芽奶茶」無論熱定凍都幾好味🤣

炸豆腐。外脆內軟醬汁濃豆腐細滑。醬汁好惹味好適合送飯鹽酥豬扒配飯。鹽酥味道鹹鹹鬆脆。蕃茄米線，配鹽酥排骨我哋真係好鍾意食鹽酥兩個人唔同款都嗌鹽酥蕃茄米線湯底幾特別，都係香濃味食咁多鹽酥食咁多肉，一定要叫返個菜係肉碎油麥菜，好少地方油菜係用油麥菜覺得都幾特別茉莉綠茶，叫錯咗，其實係想叫芋香奶綠呢間舖頭午飯一定好多學生嚟幫襯性價比非常高！晚飯諗唔到食乜，食吓呢間台式晚飯都唔錯。。。下次要叫返杯啱嘅飲品！

今日收工同朋友去食肆林立的土瓜灣北帝街搵食，主打台灣牛肉麵的小店，牆身掛滿食物海報， 馬賽克磚牆別具風格，餐牌顯示台灣牛肉湯麵、蕃茄湯麵、麻辣麵、台灣米飯、台式風味小吃及飲品。招牌豐盛牛肉麵有金錢、牛腩、牛筋、肉丸及滷蘿蔔，湯底濃厚麵條有彈性，幾款牛都好入味，金錢彈牙，牛筋軟糯，牛腩甘香，的確唔錯。椒麻三寶乾拌麵同樣有金錢、牛腩及牛筋，麵條更有彈性，椒麻醬汁麻酸辣配得好爽，喜愛食辣一定要試。小香腸拼鹽酥雞鹽酥雞又脆又咸又香，還原我在士林夜市嘅味道，台灣腸一啲都唔小相對大條，油香滿滿。酥炸花枝丸炸得非常均勻整粒金黃色，外面焦脆內裏彈牙，仲好香墨魚味。蔥油清菜第一次食呢個配搭，唐生菜無過火爽脆，蔥油醬汁加入乾蔥好香口。跟餐加幾蚊至十蚊有飲品，飲咗蜂蜜柚子茶同百風果綠茶，一啲都唔馬虎，又係正宗台飲味道。

豐盛牛肉麵 (土瓜灣)土瓜灣北帝街59號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：麻辣牛腩牛筋麵(加底) $66，士林小香腸滷肉飯 $49，香芋奶茶 +$10麻辣牛腩牛筋麵(加底)：新鮮的牛腩和牛筋，經過長時間的慢煮，使肉質變得嫩滑入味。麻辣湯底充滿刺激感，讓人欲罷不能。搭配的麵條則彈牙有勁，能充分吸收湯汁的精華，口感極佳！😄😄😄士林小香腸滷肉飯：結合了香腸的鹹香與滷肉飯的濃郁。小香腸外皮微脆，內部肉質鮮嫩，搭配上滷肉飯的醇厚醬汁，讓人一口接一口。滷肉飯的米飯吸收了肉汁的香氣，令人豎起大拇指！👍👍👍香芋奶茶：香芋的天然香氣與奶茶的醇厚融合在一起，形成了獨特的口感，清涼又解渴！😍😍😍

土瓜灣有好多寶藏餐廳，依間豐盛牛肉麵就係其中一間！食物選擇非常多，除咗普通牛肉麵之外，仲有蕃茄湯麵、拌麵、米飯便當同埋多款小食！價錢非常經濟實惠！招牌豐盛牛肉麵如果貪心為食，咩都想食到，咁依碗牛肉麵就啱晒！有牛腩、牛筋、金錢𦟌、蘿蔔、丸子，我再另外加隻蛋🤓🤓真係非常豐富，非常豐盛！牛筋非常非常推薦！佢係裏裏外外都非常入味！好軟熟，但唔會斷開，滿滿嘅膠質，超正！牛腩、金錢𦟌同樣係非常入味，非常軟熟如果鍾意食蘿蔔嘅話，都一定要認真試試！蘿蔔入面都一樣係咁嘅顏色！所有嘢都好入味，但唔係死咸👍🏼👍🏼肉燥小茄子份量對得住個價錢！兩三層滿滿嘅茄子，茄子外皮有少少燶邊脆身感覺，均勻咁沾到惹味嘅醬汁，再加埋上面鋪滿嘅肉碎，口感同味道都好豐富，超享受！放假全日第一餐嚟呢度食飯，係好正確嘅選擇！超開心超滿足！

昨晚經過土瓜灣，隨便入了一間台式小店晚飯。這看似平平無奇的平民小店，但原來食物質素不錯。還可以用QRcode 落單、有WiFi提供，以及可用支付寶付費，十分方便。麻辣牛腩牛筋麵 ($60)紅燒牛腩牛筋麵 ($55）（加花枝丸 +$8）這店以牛肉麵命名，我們便叫了兩碗牛腩牛筋麵。稱得上為招牌菜，真的十分出色。特別是牛腩，筋肉參雜，十分軟腍而不肥膩。牛筋烹製入味，而且大條。湯底十分香濃，加點麻辣就更香口。麵條軟硬適中，而且份量不少。木魚炸豆腐 ($34)這大大磚的木魚豆腐，炸得外脆內嫩。再加上甜甜的醬汁，令味道更加豐富。豆腐上鋪上青瓜絲，加添整道菜的色彩。五味小茄子 ($32)即叫即製的茄子，新鮮熱辣。茄子上加上木魚，令這道菜更加美觀。而且茄子加上特製醬汁，帶點甜香味。凍台灣咖啡 (跟餐$7)凍水蜜桃紅茶 (跟餐 $10)不用收加一服務費

之前在土瓜灣上班的時候，經常光顧這裏，今天在旺角針灸完之後，路過這裏，便來過晚餐。麻辣肉燥豬軟骨麵$58，豬軟骨炆煮得很入味，肉燥帶有醬油的香氣，麻辣可以選擇不同程度的百度，小辣帶點藥材的味道，是台式麻辣特色。川味麻辣牛肉麵$60，麵質煙煙韌韌，爽口彈牙，牛肉軟腍可口，入口溶化，加上麻辣湯底，如置身於台灣之中。士林小香腸$30，烤谷得外表香脆，內裏肉汁豐富，果然是台式香腸。肉燥拌青菜$32，青菜鮮甜可口，加上醬香味道十足的肉碎，兩者配合得天衣無縫。五味小茄子$32，木耳絲加上酸酸甜甜的醬汁，令到軟腍腍可口的茄子味道層子更加豐富。桂花酸梅汁$7，酸酸甜甜，甜度適中，胃口大開。蜂蜜柚子茶$10 ，柚子味道香濃，非常配合台式食品。

跟同事食晚餐選擇位於土瓜灣北帝街的「豐盛牛肉麵」，小店提供湯麵、拌麵、飯類、台灣小食及飲品等，定價相宜，下午茶餐更優惠-蕃茄牛腩牛筋麵 $58+$3配熱檸檬水，水溫夠高，檸檬新鮮不帶苦澀番茄牛腩麵加入胡蘿蔔、蘿蔔及小棠菜；牛腩厚切大件，牛筋表面亮滑可愛牛腩煮得軟腍，肉質緊緻又富牛香，出色！牛筋煮得軟硬適中，口感細滑富骨膠原，欣賞！麵條選用幼身的，食落軟滑Q彈，口感極佳；配料朝蘿蔔、蘿蔔及小棠菜發揮正常；湯底帶淡淡茄香，未算濃郁而且感覺添加了非天然的番茄調味，味道尚可接受美味指數：8/10

屋企人食過覺得好食 今次帶埋我去試一試，止一止台灣癮先😆因為好夜先去所以冇乜人，坐低就即刻落單~🍴紅燒牛腩牛筋麵◽️牛筋好軟淋 夠入味，牛腩帶肥膏 唔會鞋◽️湯底對我黎講啱啱好 咸淡適中◽️麵質正常 有小小咬口唔會過淋🍴木魚炸豆腐◽️豆腐好滑，外層有小小脆皮，加埋面頭醬汁酸酸甜甜，呢個必叫‼️🍴酥脆鹽酥雞(大)◽️唔會炸到太乾身，雞肉keep到嫩滑，調味正常唔會過咸，份量都幾多◾️絕對係會回頭嘅平價台灣菜，每樣都有水準唔差，睇到啲相已經想再去食喇🤤

走到呢間小店，環境雖然唔豪華，但係啱晒平民百姓嚟開開心心搣一頓。🍜 最先點了碗翠綠色澤嘅時蔬湯麵，湯底鮮甜得嚟唔膩口，蔬菜咬落去仲爽彈啱晒口感。跟住又試咗半隻炸雞，外皮金黄脆口得嚟唔會太油膩，肉質鬆嫩又多汁，簡直係滿足晒啲鹹脆愛好者。😋 魚香茄子煲用嘅茄子又腍又滑，佢嗰種濃厚嘅家常味，真係喺街市食到少。最後推介個糖醋排骨，外皮炸得啱啱好，唔算太甜唔算太酸，箇中嘅平衡真係做得好哂。總體黎講，呢間小店嘅菜色賣相普通，但係食落去嘅每一啖都令人會心微笑，真係食貨嘅福音！🍖 就算唔係食評家，我都要大讚店家嘅厚道同埋手藝，下次仲要搵多幾個鄉親仔一齊黎大快朵頤。

忽然很想喝台式飲品。平時不太喜歡吃珍珠，剛好想吃的時候卻沒有。用外賣平台下單的，HK$60一份台式便當 + 台灣奶茶，性價比高。可是，餐廳沒有讓人加珍珠的選擇，儘管我在備註寫了要珍珠。即使要額外加錢，也可以讓客人選擇加珍珠呢。沒有珍珠的台灣奶茶，味道還算不錯。不會太甜，喝了一整杯也不內疚。外賣還保留到溫度，送到吃完冰塊還在；肉燥略嫌不夠，珍珠米口感很好；雞排很香脆，內裡滑嫩的。包裝也十分精美，加分！雖然寫上「隔餐吃不健康」，但份量多，我還是有留了部分隔餐吃呢

平常在午餐時段路經這店時都非常爆場+多人等位（學生為主），今早放飯時竟然見到店裡沒有太多客人，那當然入去試試啦。一取起桌上面的menu就知這店有相當的歷史，用電話落單，點了炸排骨肉燥麵+珍珠奶茶。我其中一個入來吃的原因就是可以飲一杯珍珠奶茶。出面賣單點都要$25，現在連一個台灣麵不用$60，很抵食啦。炸排骨即是炸豬排，很厚身，都鬆軟，但味道偏咸，因為炸完後他們會再了些調味鼓油，但真的咸了些。台灣麵份量就少了些，湯底很淡，麵的形狀的細細扁身，似上海麵多些，所以口感都是一般，味道都淡。最後的珍珠奶茶都大杯，味道可以。這餐最可惜是主角台灣麵質素較差，湯底亦沒有台灣麵的味道。其他都可以，如果你是學生，這裡的價錢更加是你的最愛。

用OpenRice外賣自取啱啱好喺預定時間準備好食物， 佢哋個紅燒牛腩牛筋麵有分湯，仲係熱辣辣好好食!另外個鹽酥雞滷肉飯都做得好好，我攞外賣嗰陣，鹽酥雞嘅香味都係咁散發出嚟，流曬口水!

繼續尋找理想的牛肉麵…牛肉湯麵類是我平常最喜愛的一類，但再找到一家好吃的都不太容易，本人是重口味的，湯不夠濃基本上都不合我心意，今次食的同樣是跟市面9成一樣的淡湯，香味牛味層次基本上都沒有，就是一碗很普通的牛肉麵😮‍💨 唯獨是比較大碗，至少吃得飽🙈 沒什麼要求就可以吃～有沒有人能夠推介好吃的牛肉湯麵類呢？ 不論日韓台泰東南亞的都可以，最緊要夠濃！牛味、香料味都可以🤤🤤🤤 希望可以吃到好吃的～～