影片
更多
2024-12-29
129 瀏覽
近年喜歡久唔久獎勵下自己, 食下精緻野, 坐底食下野同廚師傾下計, 認識唔同人嘅故事, 有時會意外發掘唔同嘅構思~今晚約左朋友去試下E間位於尖東嘅鐵板燒•壹, 餐廳環境幾大, 乾淨企理, 服務貼心, 一個兩人份鐵板燒套餐都係1,880, 人均都係一千蚊左右, 價格合理, 份量足而且配搭有心思, 各款調味都恰當好處, 整個體驗都相當開心✨️海鮮沙律×日本果茄第一道已經有煙三文魚同煎大蝦做嘅沙律, 配上酸酸甜甜嘅日本果茄非常開胃✨️鱈魚白子白子煮法何其多, 今次係第一次試鐵板燒白子, 外層香口, 咬落去爆汁creamy, 以酸汁同紫蘇花點綴, 食落層次感豐富✨️大虎蝦蝦肉爽彈鮮味✨️銀鱈魚魚皮煎至香脆可口, 魚肉煎得香口嫩滑, 配上南瓜菠菜汁, 甜甜地幾清新✨️活南非鮑魚肉質爽口彈牙, 配以肝醬同食, 風味更佳✨️煙燻吞拿魚腦天全晚嘅焦點一定係E道菜, 車車都拎左手機出嚟拍底去, 廚師用禾稈草煙燻, 配上紫蘇葉同食, 入口即溶✨️美國牛薄燒牛肉包住昆布漬同牛蒡漬做嘅薄燒係第一次試, 煮法相當創新, 估唔到咁夾, 食落口感豐富, 除左食到牛肉鮮香, 仲食到漬物嘅咸香, 另有檸檬鹽同鹽漬昆布可以沾嚟食✨️沖繩
✨️海鮮沙律×日本果茄
第一道已經有煙三文魚同煎大蝦做嘅沙律, 配上酸酸甜甜嘅日本果茄非常開胃
✨️鱈魚白子
白子煮法何其多, 今次係第一次試鐵板燒白子, 外層香口, 咬落去爆汁creamy, 以酸汁同紫蘇花點綴, 食落層次感豐富
✨️大虎蝦
蝦肉爽彈鮮味
✨️銀鱈魚
魚皮煎至香脆可口, 魚肉煎得香口嫩滑, 配上南瓜菠菜汁, 甜甜地幾清新
✨️活南非鮑魚
肉質爽口彈牙, 配以肝醬同食, 風味更佳
✨️煙燻吞拿魚腦天
全晚嘅焦點一定係E道菜, 車車都拎左手機出嚟拍底去, 廚師用禾稈草煙燻, 配上紫蘇葉同食, 入口即溶
✨️美國牛薄燒
牛肉包住昆布漬同牛蒡漬做嘅薄燒係第一次試, 煮法相當創新, 估唔到咁夾, 食落口感豐富, 除左食到牛肉鮮香, 仲食到漬物嘅咸香, 另有檸檬鹽同鹽漬昆布可以沾嚟食
✨️沖繩黑豚
肉質脆嫩, 食落油脂甘香, 相當juicy
✨️大蜆舞茸菇清湯
車車最喜歡E種用袋裝湯汁, 以鐵板加熱再飲, 飲落總覺得比平時更熱辣辣, 湯汁鮮甜味美, 每一啖都散發住舞茸菇獨有清香
✨️炒飯
炒飯加入高菜多左一入咸香, 上面仲有脆邊流心蘭王蛋, 好食到不得了, 真係好想整多碗!
✨️砂糖多士、雪糕
最中意就係食脆卜卜嘅砂糖多士, 食落香脆可口, 配上凍冰冰嘅雪糕, 為晚餐劃上完美句號
張貼
