影片
港鐵尖沙咀/尖東站 P3 出口, 步行約9分鐘
繼續閱讀
電話號碼
92530094
開飯介紹
Fine Dining日式鐵板燒餐廳，以新鮮食材及多變的手法炮製創新的菜餚，加上精緻的擺盤，打卡一流。裝潢以灰色為設計主軸，同時加入園景佈置，富現代感之餘亦相當雅致。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
《鐵板．壹 - 尖沙咀》如果唔係上次發掘咗呢幢大廈有間好正嘅Omakase，都唔知道原來呢幢大廈有幾間咁精緻嘅餐廳😳適逢今個月生日月，朋友就帶咗我過嚟呢度試埋佢間日式鐵板燒，佢個位置都比較隱蔽，唔係捐窿捐罅都未必知道呢度收埋咗間隱世鐵板燒🤣Lunch time 食嘅價錢相對較化算，而且午市冇咁多人，不過都會建議想食就要book咗位先當日我同朋友叫左分別$398既selected menu同埋$598 既business lunch menu😼兩個餐同樣都已經包括前菜沙律、茶碗蒸、漬物、麵豉湯同埋炒飯，臨尾仲有甜品添呀❤️兩個餐既分別係在於食材上既不同💁🏻♀️Selected Menu可以四選二揀兩款海鮮，我就揀左銀鱈魚同埋新鮮北寄貝，而肉食就可以揀美國牛肉薄燒或者沖繩黑豚肉💁🏻♀️Business Lunch Menu呢一個套餐食嘅海鮮相對嚟講比較高級，有南非鮑魚、比目魚同埋大蝦🍤由於我哋兩個都係牛魔王嘅關係，肉食就當然揀番牛肉啦，由於兩個餐我哋係share食的，咁就可以每樣都試到少少啦🔹銀鱈魚配菠菜南瓜忌廉汁鐵板燒師傅特登將個銀鱈魚同埋比目魚嘅魚皮切開再煎脆，就好似食緊脆卜卜有汁嘅炸魚皮咁，配返菠菜南瓜忌廉汁食落幾香口，魚肉嘅口感一疏疏，食得出個肉有處理過，唔會散曬咁🔹南非鮑魚配鮑魚肝醬個鮑魚一定新鮮，因為由佢仲在生嘅時候我就已經睇住佢郁吓郁吓，新鮮鮑魚嘅口感黏糯又帶點彈牙，點返用佢個肝製作嘅醬汁其實好濃郁，味道好甘香，個人覺得個鮑魚幾好食🔹燒大蝦配龍蝦頭汁呢一個大蝦同樣都係十分推薦的，個蝦兩個人食都夠，因為啖啖肉嘅關係，其實食咗鮑魚再食蝦都有少少飽，師傅用咗龍蝦頭製作醬汁，帶出咗蝦本身嘅海鮮味，爽口彈牙💪🏻🔹新鮮北寄貝配海苔櫻花蝦清湯食完濃味嘅大蝦，接着嘅北寄貝就相對嚟講淡味少少，不過個清湯其實飲落好舒服，新鮮嘅貝肉有兩種口感，一種係爽脆嘅邊邊位，而一個就係軟腍既肉感，記住連個湯都唔好放過飲晒佢🔹美國薄燒牛肉平時食鐵板燒多數都係食日本和牛，呢度提供嘅美國薄燒和牛嘅口感其實都唔差，仲冇咁油膩添，因為裏面夾咗一啲腌菜，食落爽脆而且有少少蔬菜嘅甜味🥰可以點返鹽漬昆布又或者岩鹽吊返個味就已經好好食🔹招牌炒飯配太陽蛋個蛋簡直係畫龍點睛，本身個炒飯已經好有鑊氣，炒得夠乾身，飯粒粒分明，再配埋個煎得啱啱好嘅太陽蛋，用蛋汁配上炒飯的確係冇得輸嘅配搭食完飯之後，店員就會拎埋麵豉湯同埋炒雜菜俾我哋，食到呢一度都已經飽飽，最後食埋個雪糕就剛剛好啦😘多謝朋友帶我嚟食鐵板燒
繼續閱讀
餐廳：鐵板．壹 (尖沙咀)地址：尖沙咀漆咸圍10-12號1樓A號舖尖沙咀呢間鐵板．壹開咗三年有多，呢幾年佢哋一直帶住店嘅宗旨，以創新求變嘅手法，用心咁炮製每一道鐵板餸菜俾客人❤️，務求碟碟都帶嚟驚喜🎉餐廳有幾大特色，除咗喺度食飯私隱度比較高，分開咗間隔之外，成間餐廳嘅環境都相對乾淨企理，點解？唔知喺唔喺因為餐廳破格咁由兩位女師傅主理嘅關係呢😝？望住做咗接近9年嘅Ceici師傅即場炮製鐵板燒就覺得佢特別型，聽講佢哋仲好鍾意自家調製唔同嘅醬汁配料玩唔同花款呢😎今次午試過嚟見到有3個Set可以揀，分別喺Selected Course、Business Lunch Set同Ichi Special Lunch Set(for 2)，人均價錢三百幾到七百幾，綜合埋環境、服務、食物質素同份量，以高級日本鐵板燒餐廳嚟講性價比算高🤑今次揀咗個精選套餐Selected Course($398)同商務套餐Business Lunch Set($568)，前者嘅海鮮可以喺銀鱈魚、北寄貝、帆立貝、比目魚入面4揀2，後者就有大蝦、南非鮑魚同比目魚3款。精選套餐揀咗銀鱈魚同北海道帆立貝，前者用咗南瓜菠菜忌廉汁伴碟而後者就配上蟹膏麵豉；商務套餐嘅大蝦好巨型🦐，特別用咗龍蝦頭膏整成醬汁，爽口嘅南非鮑魚切成片狀再加上鮑魚肝醬，嫩滑嘅比目魚充滿魚油香。每道海鮮都各自配上獨特醬汁提鮮，加上每道菜所用嘅碟同裝飾都與別不同，真喺夠晒心思😍除咗海鮮，兩個套餐同樣有肉食🐮，可以揀美國牛肉薄燒或者沖繩黑豚。美國牛肉薄燒每份有2卷，包住牛蒡漬同昆布輕輕燒香至五成熟，漬物嘅鹹香足以為牛肉帶嚟鹹鮮香味，鍾意重口味啲仲可以配埋旁邊嘅鹽漬昆布一齊食；沖繩黑豚燒至微微焦香狀態，切成4條上碟，就咁食先至可以完全品嚐到豚肉嘅香味🐷。唔鍾意上面兩款仲可以考慮加$150轉做A4和牛肉眼🥩三個套餐都有指定食物，包括沙律、蒸蛋、漬物、麵豉湯、炒飯、炒什菜同雪糕🍧。是日沙律喺煙三文魚沙律🥗；蒸蛋就見到裡面有足料蟹肉碎、昆布、元貝仔同蘑菇🍄🟫，蛋香又夠嫩滑😋；漬物喺自家製嘅蒜同蕎頭🧄；炒飯就用咗雞蛋、自家製汁煮白飯魚仔、日本高菜同蔥花炒香，面頭再放上一隻鮮橙黃色日本蘭王太陽蛋🍳（亦可以加$20轉柚子炒麵）；最後嘅甜品喺茶香味極濃郁、質地超幼滑嘅綠茶雪糕🍧食飽飽之後上咗2樓，嗰度有間日式文具店賣精緻嘅和紙、文具同裝飾，兜咗個圈再上咗4樓嘅天台花園呼吸新鮮空氣🌸，呢個天氣上嚟又幾舒服😌
繼續閱讀
今日好朋友生日，當然要搵間佢從未食過嘅餐廳俾個驚喜佢喇。見佢不嬲都喜歡食鐵板燒，我就搵咗呢間尖沙咀區絕隱世嘅鐵板燒俾佢試試。呢間鐵板燒位於尖沙咀漆咸圍，門口相當不顯眼，只有一道咖啡色門，要按門鈴，門就自打開，方可進入，再乘電梯到一樓，才成功到達餐廳。餐廳經理介紹我們上頂樓，說有個露天花園，可坐低飲嘢，感覺都幾寫意㗎。今晚我兩揀咗個Premium Teppanyaki Set (for 2) $2680，知道朋友喜歡飲酒，緊係揀番支白酒，最後揀咗枝Chardonnay $390。🥢 海鮮沙律 x 日本果茄沙律配搭上日本蕃茄仔，再配埋煙三文魚和大蝦，整個沙律嘅色彩好豐富兼且口感非常清爽怡人。🥢 鱈魚白子我對白子一向情有獨鍾，師傅煎到好外層好香口，而裡面又夠晒creamy, 配埋酸汁嚟食，更可解膩。🥢 魚子醬2罐來自西伯利亞嘅魚子醬夠晒矜貴，粒粒夠晒圓潤飽滿，充滿咸香味。師傅話可用一半滿足尖上的味蕾，另一半可搭配其他食物來提鮮。🥢 龍蝦龍蝦肉質夠鲜嫩，爽滑弹牙，配上龍蝦頭熬製嘅醬汁，更能提昇龍蝦肉嘅鮮味。🥢 日本蝦夷鮑蝦夷飽肉質夠厚實，師傅細心切成細塊，更顯肉質細膩。🥢 鵝肝師傅教鵝肝連埋多士一啖咬落去，果然感受到多士嘅酥脆，隨後係鵝肝嘅嫩滑細膩嘅口感，再配上黑醋汁更能中和鵝肝嘅油膩。🥢 煙燻吞拿魚腦天吞拿魚腦天即係吞拿魚頭頂嘅肉，極之珍貴。肉質極為軟滑，筋少而脂肪多，經過煙薰後，更增添加咗一層濃郁嘅香氣。🥢 A4和牛肉眼微焦嘅肉眼外皮，而裡面嘅肉質又非常柔嫩，再配上咸鮮嘅漬昆布，更可解和牛嘅油膩。🥢 舞茸菇清湯舞茸菇清湯香氣撲鼻，飲落去有一種自然清甜嘅味道。🥢 炒飯第一次見鐵板燒炒飯會配埋即煎嘅蘭王蛋，材料十足，米飯粒粒分明，焦香軟熟。🥢 砂糖多士·雪糕開心果味雪糕配上焦糖多士和心型馬卡龍，誠意十足，為整頓晚餐劃上完美句號。
繼續閱讀
這間位於尖沙咀的日本菜餐廳，主打高質食材鐵板燒。餐廳位置隱蔽，而且私隱度十足。二樓還有一間日式文具店，而四樓更設有戶外小花園，裝修充滿日本風，環境舒適。.🍽️PREMIUM TEPPANYAKI SET $2,680/2位用.🔸海鮮沙律 、日本果茄香燒蝦仁配上新鮮沙律菜、日本果茄，清新又開胃。.🔹鱈魚白子第一次味嚐鐵板燒的白子，外層香脆，入面超軟嫩，十分鮮美。.🔸龍蝦🔹魚子醬2罐鮮活龍蝦份量十足，而且肉厚彈牙又鮮美，配上龍蝦膏煮成的醬汁，十分惹味。而奢華的魚子醬咸度剛好，配上龍蝦令味道更提升。.🔸煙燻吞拿魚腦天吞拿魚的稀有部位，所以油脂特別豐富，以醬油漬後，再用紫蘇葉煙燻，散發陣陣煙燻香氣，味道美味，而且打卡一流。.🔹日本蝦夷鮑鮑魚好新鮮彈牙，而且肉質結實，鮮味十足。.🔸鵝肝超厚切鵝肝香氣四溢，油脂豐富，外層焦香可口，配上黑醋汁、新鮮士多啤梨和藍莓，剛好中和油膩感。.🔹A4和牛肉眼選用高質A4和牛，牛味香濃富肉汁，而且肉質嫩滑，簡單配上鹽漬昆布已很美味。.🔸大蜆舞茸菇清湯鮮甜大蜆配上舞茸菇煮成的清湯，清香暖胃，有助消除油膩感。.🔹炒飯炒飯好有鑊氣，而且粒粒分明，配上蘭王太陽蛋，滋味滿分。.🔸砂糖多士、雪糕香脆的砂糖多士，配上人氣開心果味雪糕，真的大滿足，為完美一餐作結。
繼續閱讀
同朋友約定食鐵板燒，揀咗尖沙咀的「鐵板·壹」。呢間鐵板燒店入口隱蔽，我哋真係搵咗吓。入門口位有兔仔同植物，感覺好有日式氛圍，餐廳四樓仲有個小花園，燈線柔和浪漫，二樓有間日式文具店只係營業到下午四點。我哋揀咗PREMIUM SET $2,680 for 2.可以食到龍蝦、鮑魚、鵝肝、白子、腦天、魚子醬，食材非常奢華。廚師先會向我哋展示新鮮食材，之後在我們面前料理，氣氛滿滿，睇住廚師料理感覺很好。首先是海鮮沙律伴日本果茄，清新爽口，做開胃菜一流！鱈魚白子絕對要贊，營養豐富而且口感很creamy，煎得香口，內裡綿密。可配以柚子酸汁，味道好夾！每人一盒10g魚子醬，可以就咁食又可以搭配龍蝦，令到龍蝦又提升咗鮮味。龍蝦肉質厚實新鮮，新鮮爽彈口感非常鮮甜，蘸埋蝦頭醬汁味道更提昇。日本蝦夷鮑品質極佳，切成細塊，入味又彈牙。煙燻吞拿魚腦天，睇到廚師用火薰烤，視覺上得到享受。吞拿魚頭頂嘅肉是最珍貴，用紫蘇葉夾起食，口感好夾。鵝肝厚切，高級感十足，口感肥美。A4和牛肉肉質出色，煎香表面，內面油脂豐富，非常香口。炒飯勁爽口，粒粒分明，上面加個蘭王太陽蛋，蛋汁撈飯超好味。大蜆舞茸菇清湯熱騰騰，飲落好舒服。砂糖多士配雪糕，多士新鮮製作再搭配雪糕。
繼續閱讀
您可能會有興趣的...