帝樂德國餐廳 (Fashion Walk)

營業中

休息中

今日我去咗銅鑼灣一間超正宗嘅德國菜餐廳，地方闊落座位多，坐得又舒服。11月底餐廳已經佈置滿滿聖誕裝飾。好好氣氛。🥰點咗幾款餐廳嘅招牌菜，好食又唔貴。呢間係間值得無限回訪嘅餐廳。開胃菜選咗羽衣甘蘭、柚子、芒果同藜麥蝦沙律，色彩繽紛，口感清新，蝦肉鮮甜，搭配果香，真係好開胃。之後試咗紐倫堡豬肉腸，配上酸椰菜同薯仔，豬肉腸香味四溢，肉質滑嫩，酸椰菜嘅清爽感又平衡咗肉腸嘅油膩，真係一絕！脆皮燒豬肘更加令人驚豔，外脆內嫩，搭配酸椰菜同脆薯角，口感層次豐富，咬下去每一口都令人滿足。飲品方面，佢哋有啲特別嘅選擇。我試咗spice stone’s ginger wine，配咗fresh galamansi、fresh ginger、Jasmine tea同蜜糖，味道香甜又帶點微辣，口感非常爽口。另外，仲有一款Mulled wine，紅酒、gin同apple juice嘅組合，配上肉桂、丁香同星茴香，熱熱地飲，簡直係冬天嘅最佳伴侶。