夏麵館 (荷里活廣場)

營業中

休息中

星期日喺荷里活廣場Shopping，行行吓肚餓tim，原來已七點嘞。我哋未試過呢間，見又唔多人排隊，所以嚟試吓囉。有好多嘢都想食，最後我哋要二人套餐($168)。虎皮素鵝 - 腐皮卷住少少金菇，然後炸到脆脆哋，味道都幾好。薺菜豆腐羹 - 呢個味道一般，望落去就覺得巧功夫，因為豆腐切到超細粒，每粒豆腐只有2-3mm寬。雪菜肉絲炒年糕 - 年糕軟度適中，口感好，Sauce有雪菜、冬菇絲和肉絲，味道清清哋都唔錯。菊花魚球 - 賣相幾好，好似三朵菊花咁，見到都幾開心，可惜炸得唔夠脆，個sauce甜甜酸酸，幾開胃。高力豆沙 - 呢個係我喜歡嘅甜品，佢做得都唔錯，豆沙不太甜，好味道。Overall食物都滿意，價錢OK(埋單$195)，Service又好，如果唔多人排隊，都會再嚟嘅。