銘興山西刀削麵 (大同新邨) (已搬遷) 新店位置

公司放飯周圍搵嘢食，上網見到呢間刀削麵食評都唔錯，而且咁啱冇乜人排隊咁就入嚟試下。口水雞刀削麵 $56口水雞份量正常，唔會話好辣，雞肉嫩滑而且好入味，辣雞肉好開胃，會食上癮。雞皮都滑捋捋好有口感，如果可以配飯食應該好好食。刀削麵係人手打造，比較寬扁同埋厚，會偏硬少少有咬口，份量十足。雖然食唔出係咩湯底，但味道都唔錯。整體嚟講食物算唔錯，口水雞合我口味，可惜個餐唔包嘢飲，如果個雞再辣啲真係唔知點算好。