長沙滿哥

營業中

休息中

上年去完長沙旅行，一直對嗰度美味嘅湘菜念念不忘🤤知道係西環頤庭酒店內原來有間集湘菜和串燒於一身嘅「長沙滿哥」，專誠來回味一下！餐廳環境寬敞，圓枱同雅致嘅卡位都有，兩口子或者一班朋友黎都無問題😄味道方面，除咗稍為廣東食客調低左辣度之外，口味都非常正宗👍🏻🌟炭烤生蠔🦪食燒烤必點生蠔！呢度嘅蠔比我預期大隻，脹卜卜嘅生蠔上鋪滿蒜茸同香料，令人食指大動🤤炭烤之後重保持到鮮嫩同肉汁，真係好好味😋🌟烤茄子🍆烤茄子一樣係搭配極大量蒜蓉，但調味無過份濃，香料亦無蓋過茄子嘅原味，值得一讚！🌟酸菜鱸魚片🐟作為主菜，呢個酸菜魚當然大大份🤭魚片勁多，入邊仲有大量酸菜同薯粉。鱸魚片處理得幾好，無骨無腥味又嫩滑。湯汁濃郁，個人喜好可以再酸少少就更醒胃😄🌟農家小炒肉 經典湘菜，睇落好普通，不過味道真心有驚喜！以青辣椒同白木耳配肉片炒香，有鑊氣又唔會好油膩，勁鍾意青辣椒🫑嘅香味，呢道菜送飯一流！🌟香煎金錢蛋🍳呢味係最掛住嘅湘菜小炒，沒有之一！係香港食到真係勁開心🥳！雞蛋🥚烚熟之後切片，輕輕走油之後配埋辣椒同香料一齊炒，咸香十足，可以送兩碗飯呀！如果要為呢一餐做個總結，一定係不枉我專誠去西環幫襯佢呀！🤣🤣