Hygge

營業中

休息中

呢間和風木系北歐料理cafe 喺將軍澳好受歡迎～紅菜頭火箭菜沙律好受歡迎，見到幾乎台台客人都叫，因為好少何可以食得到，火箭菜係我好鍾意食嘅沙律菜紅菜頭又好有營養！呢度最出名嘅係薄餅，瑪格麗塔披薩🍕有蕃茄芝士，係最原始嘅味道！感覺好正宗，平時唔太鍾意食Pizza嘅我都可以食到2至3塊，證明佢嘅Pizza底整得好。跟住我見到餐牌，上面有個好有特色嘅水管意粉，從來未食過，於是叫嚟試吓，真係好多唔同嘅海鮮，有墨魚、海蜆同青口帶子，麵條吸左啲汁醬。最後甜品叫埋榛子pancake即叫即整，味道唔係太甜，幾有特色。最後飲埋香芋特飲，中間有個心形，奶泡沖得好滑好香，非常療癒。