影片
更多
2023-11-21
58 瀏覽
早排 #小秘書 公私兩忙，呢日終於可以放下心情，正正經經坐埋食餐飯慶祝吓😉 冇諗過朋友仔竟然為咗迎合我戒澱粉嘅飲食習慣，特意喺 #尖沙咀 book咗間 #居酒屋「Mokumoku Yakiton」同我嚟個 #串燒 #清酒 之夜🍶🍢餐廳以木製傢俬為主調，一入門口已經被牆上嘅 #大肥豬 吸引住… 細心啲睇👀 原來設計師細心刻畫出🐷嘅每一個部位，相當有心思💗 我哋點咗個 #蒜子蕃茄沙律、#珍寶日本生蠔 做前菜，蕃茄🍅入口非常新鮮，配埋酸酸甜甜嘅醬汁，同啲蒜蓉、蔥花撈埋一齊入口，零舍開胃！而肥嘟嘟嘅 #生蠔 亦相當鮮味，真係忍住一啖就吞晒佢落肚🤭嚟到呢餐嘅主食 #日式串燒，我不得不讚師傅嘅專業，佢將食物嘅火候控制得相當好，保持到肉汁之餘，又可以做到香脆嘅外皮，真係唔係間間店都做得到🤩 - 豬肉釀冬菇（未入口已經聞到陣陣嘅菇香味，我鍾意）- 豬皮（充滿collagen，口感非常爽彈）- 芝士豬耳（肉質煙煙韌韌，加埋溶咗香濃嘅芝士味道，係我呢晚其中一個推介）- 煙肉包鵪鶉蛋（雖然明知膽固醇勁高，但係都真係忍唔住口）- 皮蛋薑豚肉卷（係呢餐嘅第二推介，冇諗過皮蛋同薑片係咁夾味）- 豬脷、豬喉結、豬聲
餐廳以木製傢俬為主調，一入門口已經被牆上嘅 #大肥豬 吸引住… 細心啲睇👀 原來設計師細心刻畫出🐷嘅每一個部位，相當有心思💗 我哋點咗個 #蒜子蕃茄沙律、#珍寶日本生蠔 做前菜，蕃茄🍅入口非常新鮮，配埋酸酸甜甜嘅醬汁，同啲蒜蓉、蔥花撈埋一齊入口，零舍開胃！而肥嘟嘟嘅 #生蠔 亦相當鮮味，真係忍住一啖就吞晒佢落肚🤭
嚟到呢餐嘅主食 #日式串燒，我不得不讚師傅嘅專業，佢將食物嘅火候控制得相當好，保持到肉汁之餘，又可以做到香脆嘅外皮，真係唔係間間店都做得到🤩
- 豬肉釀冬菇（未入口已經聞到陣陣嘅菇香味，我鍾意）
- 豬皮（充滿collagen，口感非常爽彈）
- 芝士豬耳（肉質煙煙韌韌，加埋溶咗香濃嘅芝士味道，係我呢晚其中一個推介）
- 煙肉包鵪鶉蛋（雖然明知膽固醇勁高，但係都真係忍唔住口）
- 皮蛋薑豚肉卷（係呢餐嘅第二推介，冇諗過皮蛋同薑片係咁夾味）
- 豬脷、豬喉結、豬聲帶（都係我第一次嘗試，豬聲帶有啲似食緊魷魚，非常爽脆同香口）
- 豬顎骨肉（連豬仔嘅面珠墩都俾我食埋，又點敢話佢唔正喎）
- 厚切日本四元豚（充滿油香，連減肥計劃都要行埋一邊）
- 燒白鱔（肉質好結實，焦香嘅外皮，加埋啖啖肉嘅魚身，正合我口味）
- 燒油金魚腩（搽上山葵醬喺面，正好減低油膩感）
滿枱佳餚，又點可以冇美酒？服務員話呢排公司做緊「720ml大支裝 #清酒 買一送一大優惠」，呢個價錢真心係抵，但係自問酒量麻麻嘅我哋，最後都係揀咗 #清酒組合，可以睇指定餐牌上揀四款口味（100ml x 4款），一次過滿足心多多嘅我🤭
- 三粒米（甜甜地啱晒女仔嘅口味）
- 作.直汲原酒（餘味比較濃）
- 空藏(少許苦澀味，口味幾特別）
- 百十郎（入口較香醇，係我呢晚嘅至愛）
飲飽食醉又點少得 #小秘書 至愛嘅 #燒菠蘿 做 #甜品，燒過後嘅菠蘿肉產生焦糖化，入口特別甜美🤤 令呢餐生色不少！最後我要多謝今晚負責招呼我哋嗰位女服務員，每次上菜都報以親切嘅笑容，非常細心為我哋介紹每道菜式，今時今日實在難得🫶🏻 睇嚟我嘅 #飯堂之選 系列又可以加多個新成員喇😉
📍 Mokumoku Yakiton（尖沙咀）厚福街12-12A號藍馬商業大廈16樓
張貼
