影片
更多
2023-02-12
889 瀏覽
如果有人問我性價比最高嘅西餐，我一定會答喺Chef‘s Stage。以前佢開係荃灣嘅時候，無論午餐晚餐，一個月都總會約朋友食幾次。真係太耐冇食啦！今次的起心肝入將軍澳食佢🤩好彩咁耐冇食，食開同最鍾意食嗰幾樣都仲有喺度。照舊都係叫佢二人套餐，呢個最抵食一落完order就即刻有麵包食，最鍾意就係佢嗰麵包醬，麵包都有三款🥰一般我都會揀沙律同湯各一，咁就可以試曬兩款。湯係南瓜粟米忌廉湯，沙律係吞拿魚薯仔雜豆，切粒既吞拿魚有輕輕燒熟外層，新鮮既沙律菜配埋醋汁好開胃前菜四選一就揀咗我最最最鍾意既法式生牛肉他他伴鵪鶉蛋，加埋薄脆法包，真係好好食😻伴咗鵪鶉蛋同橄欖油嘅生牛肉更加滑身，醃黃瓜碎既酸同黑椒及各種香料嘅辛辣味搽上薄脆法包上面，真係完全唔捨得share🙈見到menu有Sangria😻可惜另一半揸車冇得一齊share，唯有下次有機會再試叫咗兩杯餐飲，試咗店員推介既tiramisu口味既特濃朱古力，除咗朱古力味之外都有種tiramisu甜品既奶油甜酒味。而我唔洗揸車就叫咗杯Tropical Forest既cocktail，酒味唔算太重，係好適合女士既清爽檸檬口味🍋Main dishes揀咗墨汁煎帶
好彩咁耐冇食，食開同最鍾意食嗰幾樣都仲有喺度。照舊都係叫佢二人套餐，呢個最抵食
一落完order就即刻有麵包食，最鍾意就係佢嗰麵包醬，麵包都有三款🥰
一般我都會揀沙律同湯各一，咁就可以試曬兩款。湯係南瓜粟米忌廉湯，沙律係吞拿魚薯仔雜豆，切粒既吞拿魚有輕輕燒熟外層，新鮮既沙律菜配埋醋汁好開胃
前菜四選一就揀咗我最最最鍾意既法式生牛肉他他伴鵪鶉蛋，加埋薄脆法包，真係好好食😻
伴咗鵪鶉蛋同橄欖油嘅生牛肉更加滑身，醃黃瓜碎既酸同黑椒及各種香料嘅辛辣味搽上薄脆法包上面，真係完全唔捨得share🙈
見到menu有Sangria😻可惜另一半揸車冇得一齊share，唯有下次有機會再試
叫咗兩杯餐飲，試咗店員推介既tiramisu口味既特濃朱古力，除咗朱古力味之外都有種tiramisu甜品既奶油甜酒味。而我唔洗揸車就叫咗杯Tropical Forest既cocktail，酒味唔算太重，係好適合女士既清爽檸檬口味🍋
Main dishes揀咗墨汁煎帶子海蝦扁意粉，同埋炭燒穀飼肉眼扒拼香草牛油焗波士頓龍蝦尾。老老實實今次真係人生第一次食墨汁意粉🥹鬼叫對面嗰個話好好食，咁我唯有挑戰如何墨汁意粉而唔整污糟個嘴
煎帶子同海蝦好新鮮，好有海鮮既鮮甜原味。墨魚汁真係好黑，未擺落口嘅時候，真係想像唔到佢個味道，但入口之後發現係好濃厚嘅忌廉味，除咗唔可以咁放肆地食之外，都係一個好好食嘅意粉
牛扒拼龍蝦尾嘅擺盤相當之震撼，龍蝦味都已經完整地起咗肉放喺殼上面擺靚靚
肉眼入口有濃烈嘅炭燒香味，而且非常腍身同juicy，原汁原味下根本唔需要點任何醬汁都已經好好味
龍蝦尾配香草牛油汁食落非常香口，而且肉質好彈牙，最緊要係起咗肉啱晒我呢啲唔識剝殼既人
四款配菜都絕對唔hea，燒西蘭花苗同椰菜花味道香甜腍身，蒜頭唔係一貫西餐食開既大蒜，獨蒜係焗咗之後更加軟糯香甜，一啲蒜既辛辣味都冇，最好食而且一定一定要升級千層忌廉薯！！！
入口有粒粒香軟既薯仔同埋忌廉芝士嘅奶香味，就算凍咗都一樣咁好食，一定要配呀
食完飯無論幾飽都好，都一定要食埋佢地既Tiramisu，呢個係定律嚟！！！
無論係口感同味道上都好balance，係我心目中絕對係Tiramisu第一位，如果冇人在場我相信我係會lam埋隻碟🙈
朋友仔知我食完都心心念念話要一齊再嚟食，看來維繫友情既最佳方法，都需要靠美食❤️
張貼
