發達叉燒

營業中

休息中

今次嚟到灣仔一間燒味店，係一間人氣燒味店，夜晚時間keep住有條人龍🫨。店內見到廚房個窗掛住一堆好靚嘅燒味，令人未食已經流晒口水🤤。🍴老火例湯每碟飯都係送一碗例湯，雖然係送既，但湯料功夫一啲都唔馬夫。湯料俾得好多，🥕蘿蔔同瓜已經煲到好稔。而肉亦煲到唔洗點咬就爛。湯頭好清甜🥣，豬骨同瓜嘅味都好香濃。🍴叉燒雙蘭王蛋飯 $88兩隻蘭王蛋嘅蛋黃呈橙黃色，煎到個蛋邊微燶🍳，好香脆嘅雙蛋。叉燒方面，師傅切得好厚身🥩，顏色色澤好靚仔，食落叉燒嘅肥瘦比例啱啱好，好鬆化，完全唔會有筋，同時油脂嘅感覺令食落有一種喺口入面化開嘅感覺。調味亦洽到好處，配埋用蘭王蛋嘅蛋黃漿撈嘅飯一齊食😋，口感更豐富，味道更有層次。🍴茅台醬油雞髀燒鵝飯 $80燒鵝同雞嘅色澤好靚，賣相已經贏左一半，雞髀嘅肉質好嫩滑，醬油味好香，一放入口食到微微嘅酒香輕輕帶過🍗，又好似為醬油雞嘅鮮味昇華左一個層次，食落有種refresh嘅感。燒鵝嘅外皮油香滿溢，口感香脆🤩，鵝肉嘅燒鵝味同油香夾埋一齊食，燒鵝獨有嘅肉味好香濃。🍴鵝汁時蔬 $60今日嘅時菜係西蘭花，比平時嘅西蘭花較長身🥦，西蘭花口感爽脆，鵝汁嘅味輕輕帶出，啱啱好可以為西蘭花調味。