發達叉燒

營業中

休息中

港式燒味絕對是港人不可或缺的美食！從小就喜歡吃尤其是叉燒更是我的Comfort Food，今次去到灣仔一間挺有名氣的燒味餐廳專門店看看能否吃得我心動。這間位於灣仔的發達叉燒來頭不少！是同區鋒膳私房菜老闆開的一間燒味專門店，聽聞非常火紅所以這天六時許便跟爸爸到來晚餐，幸運地最後兩個位給我們趕上不用排隊。開放式廚房一目了然內裏掛滿燒鵝、叉燒及豉油雞，三款也是我們喜歡的燒味一於試晒佢。坐滿人的小店真的非常親密搭檯是常識吧！我們選了兩碗燒味飯同樣會附送老火例湯一碗，這天我們得到的是粉葛湯，濃稠老火湯味道挺香甜喝得出真材實料。車爸爸選了他最愛的燒鵝髀飯$100這價錢有鵝髀又出奇地合理喎！燒鵝髀做到皮脆肉香而且不會過肥，沒有霸道的調味吃到鵝的肉香這點我喜歡。我選了最喜愛的無敵組合叉燒茅台醬油雞飯$80！我們兩碗也點了多飯但出來份量也不多！吃上幾匙羹已經將飯爬光光了，胃口大的朋友相信真的未必夠飽。首先品嚐有燶邊的叉燒肥瘦均勻吃下咬口好鮮明，味道鹹甜適中調得剛剛好，要挑剔的話我就覺得有少許黏牙否則這件叉燒真心不錯。茅台醬油雞絕對是MVP之選！爽滑不肥膩的雞皮帶著滿滿茅台及醬油香氣，雞肉嫩滑之餘富肉香是

[🐷 發達叉燒🐷].鋒膳叉燒就出哂名🥹🥹好多人食過都讚不絕口今次黎到灣仔呢間新開的鋒膳姊妹店 - 發達叉燒🐽 一樣座無虛席🫶🏼質素一睇就知有保證✌🏿👍🏿.🌟叉燒雙蛋飯 🍳🍳 $80用西班牙栗子豬燒出嚟嘅叉燒🐷 份量好驚人 超級多塊叉燒上淋咗蜜糖🍯 睇落去特別有光澤每塊叉燒都厚切 肉質肥瘦適中食落去香甜嫩滑🥹太陽蛋煎得好靚 duk落去有流心 ☀️ 叉燒撈埋蛋汁再加飯完全係香港🇭🇰嘅味道.🌟滑蛋叉燒飯 🍚 $80另一種叉燒飯嘅做法一樣都係港人至愛🫶🏼金黃的蛋皮包住肥瘦適中的叉燒帶有微微嘅蜜糖焦香加埋甜豉油 🥰蛋香十足🥚 下飯一流.🌟1/4 隻燒鵝 $190明爐燒鵝🦢油味十足一上枱已經覺得賣相一流，色澤豐富下莊油脂濃郁 鵝髀大大隻咬落去皮脆肉嫩 真心好好味🤤.每個飯都會送老火例湯🫶🏼🥣 熱辣辣🔥 足料又暖心.明明晏晝成三點先去食🕰️ 都仲有源源不絕嘅客戶證明質素真係有保證👍🏿😌簡單，但回味無窮🫶🏼🫶🏼🫶🏼. @fatjcharsiuhk📍：灣仔蘭杜街 2 號地下 2 號舖

灣仔嘅內街隱藏住好多人氣小店！呢間發達叉燒係一間次次經過見到都排哂長龍嘅人氣叉燒店，今次一於來湊吓熱鬧先～✨叉燒雙蘭王蛋飯叉燒係採用咗西班牙栗子豬，每一塊都好厚切！重點係食落去肥瘦均勻，口感豐富，味道香甜得來又帶有微微焦香！配搭埋蛋香濃郁嘅蘭王蛋撈飯，味道經典得來又帶點新鮮感😋～✨茅台醬油雞燒鵝飯醬油雞肉質嫩滑！加入咗茅台之後，帶有淡淡嘅酒香，風味獨特！燒鵝皮脆肉嫩，油而不膩～✨鵝汁時蔬西蘭花新鮮脆嫩，配搭鵝汁更加滋味～✨老火例湯老火湯清澈又鮮甜，飲得出係完全冇添加任何味精，有種住家嘅味道～餐廳環境簡約又整潔，店員亦好有人情味，就算要排一陣隊先食到都非常值得啊～

發達叉燒是一家位於香港灣仔的粵菜燒味專門店，由擁有逾20年經驗的燒味大廚余燦達主理，並與人氣私房菜餐廳「鋒膳」合作。店名寓意「高質不高價」，致力以優質食材和精心烹製，將傳統燒味提升至米芝蓮級水平。叉燒雙蘭王蛋飯 ($88)蜜汁叉燒選用了西班牙甘栗豚梅頭肉，慢火烤製，外層焦香蜜汁，內里多汁甘香，是店內人氣首選。叉燒份量亦很大。茅台醬油雞燒鵝飯 ($80)雞肉口感嫩滑且味道濃郁。燒鵝鮮嫩多汁，入口油香四溢，配搭酸甜燒鵝醬風味絕佳。每個飯配上霸王花老火例湯，沒有味精👍🏻鵝汁時蔬 ($60)西蘭花苗十分嫩！餐廳很用心把梗的外層去掉！👍🏻👍🏻👍🏻 推薦！

- #灣仔 #發達叉燒 鋒膳叉燒就出哂名，今次就試下鋒膳姊妹店 - 發達叉燒！我哋12:00到，大熱天🥵排左半個鐘先有得食😮‍💨 今次想試晒燒鵝、叉燒、豉油雞，所以簡左兩碗燒味飯, 附送老火例湯！📌 叉燒茅台醬油雞飯$85叉燒轉左五花腩叉，轉左之後超級後悔，勁肥🤣 叉燒微微燶邊，個人喜好再燶多少少🤏🏽 📌 茅台醬油雞燒鵝飯 $80 燒鵝外皮唔脆好燶，而且好瘦，一般！MVP: 茅台醬油雞所有雞件已預先起骨，肉質滑嫩，肥瘦均勻，用左貴州茅台王子酒，酒香令油雞既味道提升。食完口入面仲有茅台酒既餘韻，調味調得好好👍🏻.Overall，以燒味飯既價錢黎講絕對唔平，茅台醬油雞好出色，下次可以淨係叫雞🤭.發達叉燒 📍：灣仔蘭杜街 2 號地下 2 號舖=========================.

📌放工路過灣仔，離遠已經見到排曬大龍，見到呢到主打高質燒味一於試下!📌整體色香味俱全、份量足、性價比高，值得推介！下次一定再試其他招牌菜！🔺叉燒雙蘭王蛋飯 ($88) 一定要試下呢到既招牌厚切叉燒，肉質嫩滑入口鬆軟，外層仲有微微焦香，另一個亮點就係蘭王蛋，流心蛋既蛋香好濃郁，撈飯一流值得一提個飯飯粒分明，吸晒叉燒汁同蛋汁，真係食到停唔到口 🤩🔺茅台醬油雞燒鵝飯 ($80) 茅台醬油雞好出色，雞肉真係好嫩滑，食落散發淡淡既茅台香燒鵝皮脆肉香，咬落去淡淡肉，滿口鵝油香油又唔會太膩餐廳仲好貼心，可以根據個人喜好升級雞脾﹑雞翼﹑雞胸 🤤🔺鵝汁時蔬 ($60)西蘭花好爽甜，吸晒鵝汁精華，夠曬惹味 😋最後唔可以唔提老火例湯，青蘿蔔紅蘿蔔豬展湯，材料足料，冇味精又唔鹹 💯➡ 整體Lamlam脷指數 😋😋😋😋(4/5)➡ 整體評價: 色香味俱全，性價比高➡ Encore指數 ⭐⭐⭐⭐ (4/5)

今日收工衝去灣仔試呢間網上瘋傳嘅燒味店，舖仔細細但一早已經排晒長龍！🍛 叉燒雙蘭王蛋飯鎮店之寶！叉燒堅係「半肥瘦天花板」🔥 蜜糖燶邊帶焦香，咬落軟糯唔黏牙，肉汁多到滴出嚟，勁香口濃郁豬香兩隻蘭王煎蛋一篤穿蛋漿淹沒叉燒，撈埋甜豉油飯，唔係講笑食到停唔到口！ 🍗 茅台醬油雞燒鵝飯燒鵝髀同油雞大舊到癲，皮脆肉嫩無騷味，重點係門口啲皮仲聞到陣陣茅台香，吊出鵝肉鮮甜，食完成個口留香！ 🥬 鵝汁時蔬估唔到最驚喜係佢！菜心淋到發光嘅鵝油汁，索盡燒鵝精華，鹹香中帶蔬菜清甜，好特別🍲 老火例湯足料到震！飲到無味精嘅家的味道，湯渣佔半碗，食完燒味飲一啖超解膩！ 原來燒味都可以咁高質，唔怪得日日見到都排晒長龍，食完返唔到轉頭！

有一日平日去開灣仔，突然想食 #燒味 ，11:45到埗排到頭輪🤗一坐低就揀到，叉燒茅台醬油雞飯，加$5轉做五花腩叉燒叫完無幾耐先上是日例湯，蓮藕湯，湯頭好清，清微甜，無味精，飲落舒服😌主角一上枱，第一眼見到蜜汁五花腩微燶邊，淡淡油香飄上嚟😍 佢哋用上西班牙栗子豬，所以望上去同平時嘅叉燒已經好唔同😋 肉質鬆軟，入口即溶，原味已經好出色🤩 輪到茅台醬油雞，肉質非常之嫩滑，配上貴州嘅茅台王子酒，我平時唔食雞皮，但係酒香令到雞皮更加爽，係真係忍唔住要食咗幾塊雞皮🤫 同時好欣賞雞件起晒骨👍🏻 喺點餐嘅時候我將汁另上，方便食完原味之後，再淋上汁，建議唔好落太多，輕輕上就可以去到另外一個層次，值得嚟食一次😁

琴晚六點九去到呢間燒味店，門口已經有條人龍排隊，好彩算郁得快，七點已可入座。伙記就話燒鵝剩返好少，我哋即刻嗌咗個茅台醬油雞燒鵝飯，同埋蘭王煎蛋叉燒飯。點知落單唔夠五分鐘，就聽到廚房嗌「燒鵝賣晒喇！」，食咗15分鐘左右，連招牌叉燒都賣晒！個叉燒雙蛋飯真係冇得彈，啲叉燒半肥瘦啱啱好，篤穿隻流心蛋撈飯真係正到爆。茅台醬油雞酒香入味，又香又滑每碟飯都會送碗老火湯，幾有家的味道，飲落應該冇落味精鵝汁時蔬用咗上價嘅西蘭花苗，呢啲細節可以睇得出店家對食材嘅追求講真呢間燒味係做得幾出色，不過想食燒鵝同叉燒就要早啲嚟啦～

At the corner of Wan Chai’s Landale Street, this humble barbecue shop radiates old Hong Kong charm. The red-and-white signboard is instantly recognizable, and as you step inside, the rich aroma of honey-glazed char siu (barbecue pork) and Cantonese soup welcomes you warmly. This small eatery is a haven for traditional Hong Kong-style roasted meats, each dish brimming with nostalgia.The **Char Siu Double Egg Rice** is a standout dish. The barbecue pork, caramelized with a golden honey glaze, stri

見好多KOL介紹哩間舖嘅，同時網上都很多人話叉燒質素差。今日平日下午5點幾經過見唔洗排隊就去試下，結果係極之失望！首先講講$88的叉燒雙蘭王蛋飯，蛋同飯正常發揮，但主角叉燒又柴又無叉燒香味，真心唔唔食，大把地方嘅叉燒更平價更好食，淨係灣仔區都好多，唔需要俾咁貴價錢去食。另外店舖環境有待改善，地下濕笠笠，冷氣嚴重不足，一路食一路出汗。店內某些職員態度欠奉，自己碗飲咗兩啖，跟住食飯唸住一陣再飲碗湯，職員直接收咗碗湯無問我仲要唔要。真心好耐無試過咁差嘅飲食體驗，試過一次就算，唔會再去。

呢間新開嘅燒味店主打係叉燒，經常排長龍，好似開咗差唔多半年但係都未有機會試到，今日朋友買外賣，所以終於有機會試到佢嘅燒味。佢啲叉燒主要有三個唔同部位，佢啲叉燒係偏肥同埋偏林，如果鍾意入口即溶唔使點趙嗰種叉燒嘅朋友就真係要試一試佢。三款嚟講我比較鍾意豬頸肉嗰一款，因為我自己鍾意比較有質感嘅叉燒，所以三款之中就只有豬頸肉做嘅叉燒比較接近我鍾意嘅口感，但係其實都係偏林。另外仲叫咗豉油雞，同叉燒一樣都幾好味，雖然唔係話非常出眾，不過我叫做問有所值，咁嘅價錢咁嘅質素絕對收貨。

今日終於試到非常之出名嘅發達叉燒，喺灣仔名店，一到食飯時間即刻排晒隊，今日我哋都等咗15分鐘，好彩非常之值得✅✅老火例湯 每一個飯都有一個老火，例湯每日新鮮熬製、用大量食材慢火煲3-4小時以上，湯底清甜濃郁，無味精、飲落暖身又滋補！叉燒雙蘭王蛋飯 叉燒配兩隻流心蘭王煎蛋，叉燒香甜多汁、肥瘦均勻，蛋汁撈飯超正，性價比高。而且食到豬肉嘅甘香。💪💪茅台醬油雞燒鵝飯 用茅台酒同高質醬油醃製三黃雞，雞肉嫩滑、雞皮爽彈，有淡淡酒香，燒鵝外皮脆口、肉質結實，二選一或雙拼都得，碟頭飯份量足，每客送例湯。🔥🔥鵝汁時蔬 濃郁鵝汁，灒落灼熟時蔬如菜上，蔬菜鮮甜帶獨特鵝油香，簡單但好味又有營養。

由鋒膳嘅燒味大廚主理，聽聞日日都大排長龍，今次小編平日兩點幾去直入😬鋒膳嘅叉燒煎蛋飯係要$185，呢度嘅價錢相對易接受~🐖叉燒雙蘭王蛋飯（$88）叉燒係用西班牙嘅栗子豬燒，有蜜汁叉燒同埋五花腩叉燒（+$5），鍾意肥叉嘅一定要叫五花腩叉燒~ 叉燒油脂感豐富，肉質鬆軟易咬，帶有少少燶邊，口感絕對唔似一般嘅叉燒😝一啖叉燒配蘭王蛋撈飯，真係好滿足🍳🐣茅台醬油雞飯（$68）茅台醬油雞一上枱好香酒味，雞肉食落好嫩滑但有淡淡醬油味，好特別，加咗茅台嘅醬油雞食落油香更加出，再值得一提嘅雞肉係完全冇骨😬例湯飲落都幾香甜，feel到係老火靚湯，不過小編有睇到有客人反應外賣質素可能會差啲😗

見到海量好評，慕名而來 ，滿心期待，真心估唔到可以咁差😱冇諗過食完嬲到要寫食評，所以一張相都冇影！首先，賣相非常一般，完全唔似得其他食評post出嚟嘅相咁吸引！叉燒肉質只能夠話正常，但完全冇味！唔單止係冇肉味，就連叉燒應該有嘅鹹鹹甜甜、炭燒蜜汁味都冇！碗例湯入面塊肉嘅味道仲好過舊叉燒！如果你阿媽成日話：「生嚿叉燒好過生你」，你就帶佢去試吓發達叉燒啦😂茅台雞肉質粗鞋，雞味當然欠奉，茅台味同醬油味都一樣係冇囉！都唔知自己食緊啲乜😒直到食埋鴛鴦腸，先知自己味蕾冇事！食到一半已經嬲到唔想再食落去，嘥晒我啲quota！一間絕對過譽嘅燒味店😡😡😡