癡膠雞 (荔枝角道)

營業中

休息中

雲南米線周圍都有，但港式雞湯米線就未必區區都有，有時候都要深入該地區去尋找出名而好食的米線舖。太子的癡膠雞頗有人氣，當中最令人深刻就是有一個火爐邊煮邊食作gimmick，味道都有一定的好評。直至上星期二，小編終於約到中意食港式米線的朋友收工之後去食~店鋪空間比較細，但6點已經差不多坐滿人，到7點離開之後外面都有人龍，所以時間會比較趕（店員會好有禮貌同你講聲👍）。點完單之後，店員會即刻上定迷你火爐，火力都好猛而且都keep得耐。等待期間都聽到隔離左右食客都話不錯，當日最多人點藥膳雞，所以小編同友人都各點招牌及藥膳，湯底同米線會分開，整體係有驚喜。招牌花膠雞濃湯米線（友人點）今次好好彩，竟然有雞脾位。雞肉都頗嫩滑，份量都多。雞湯味都濃，有少少杰身口感，花膠都有2-3件大塊厚身，口感軟彈。藥膳黃酒花膠雞濃湯米線雞件無招牌的大件，都是雞脾位，每件都一口size，肉質一樣嫩滑。差別是在於湯底，會比招牌多了一點清甜及甘味，無招牌的杰身，但完全係小編口味，所以最後都飲晒🥰金磚豆腐差不多間間米線都會有這個小食，也是外層酥脆，內層豆香嫩滑。平時會曬上椒鹽粉，這間就會比泰式酸甜辣醬，也別有一番特色。泰國梳