喜來稀肉 (登龍街)

營業中

休息中

今日去銅鑼灣出差， 銅鑼灣一向係美食天堂， 揾食無難道， 但揾好食就要花點心機。 登龍街有好多食店， 都唔知揀邊間好， 由電車路果邊轉入登龍街， 就見到一間韓國燒肉店， 門面裝飾得真係好似韓國的餐廳， 由於疫情無得去旅行， 入去食個韓國餐當去左韓國啦。餐廳樓下有韓國食品買， 有時間可以去買下野， 食店就要行樓梯行上一層。 餐廳環境好似工業格調風， 幾有格調。前排晚晚睇波， 係時候補一補佢， 就食個人蔘湯。午餐有4小碟前菜，分別有魷魚，腐皮， 泡菜同青瓜？ 話係4小碟， 但份量真係唔少 。 魷魚好好味， 非常彈牙爽口，泡菜都係爽的， 其他都非常可口。人蔘湯送到，嘩， 重滾緊，肯定超熱， 望下個砂窩，有成隻雞喺裡面，重有一條大人蔘，一個人食哂都超飽。首先，拆開雞胸，原來雞裡面放左糯米，d糯米吸哂雞的香味， 入口香濃， 精彩。 雞肉係又林又軟又滑， 除了有雞味外， 重有人蔘的甘香， 呢個人蔘湯值得推薦。食完咁熱的湯飯， 飲埋杯柚子汽水，真係爽到爆。