農

營業中

休息中

放工去咗科學園，搵朋友敘舊。聽佢講話科學園有一間精緻創意料理餐廳，可以食農家菜，於是我就衝入科學園。去到太陽未落山，仲可以欣賞佢個靚靚景色。小食雙拼（2款）檸檬鳳瓜有別於一般嘅鳳爪，呢隻加咗檸檬汁，酸酸辣辣。冰菜第一次食冰菜，醃生有一粒粒，水珠食落去口感好特別，有種脆卜卜嘅感覺！乳鴿隻乳鴿都燒烤得幾入味！點心（1款）牛油果蝦春卷以海蝦為主，牛油果加入春卷，有種唔同嘅感覺。(1款）松露懶人雞呢一隻松露懶人雞好方便我呢啲唔想去骨嘅人，黑松露放滿左喺搣咗絲柔軟嘅雞肉上面，好食！燉湯(1款)肉骨茶呢個好搞笑，一開始以為係茶，原來係肉骨茶！濃郁熱湯，朋友居然食埋湯渣！避鳳塘軟殼蟹呢個比較辣蒜油重，蟹肉都好多。烈焰菠蘿炒飯賣相一流，炒飯保留左菠蘿嘅水份，內部係瑤柱蛋白炒飯，味道都唔錯！甜品（2款）猫山王榴槤、牛榛仔(朱古力力流心）貓山王榴槤仲細過一張八達通嘅大細。其實係一個榴槤布丁，同朋友兩份食，好重榴槤味，口感似慕絲蛋糕。至於呢個朱古力流心包，擺咗一陣都仲有朱古力流出來，幾好食！冷泡茶(2款）白桃烏龍桂花島龍 我哋一人一支冷泡茶，夏天咁熱，梗係飲冷泡茶。我個樽白桃烏龍，都幾清甜。