影片
更多
2022-07-28
281 瀏覽
「當你唔了解咩係荷蘭菜，其實畀個menu你都冇用。」-好欣賞個omakase menu ，好等多唔了解荷蘭菜嘅朋友能從更多角度品嚐與了解，唔局限於單一死板嘅standard menu內。-自問對荷蘭菜嘅了解匱乏，腦中彈出嘅只有Xmas 必食嘅 #Kerststol同埋細細個食嘅焦糖夾餅 #Stroopwafel…… what a shame🙈 正如主厨所講，畀個menu我落柯打，不如由厨師發辦，由淺入深帶領食客感受地道荷蘭菜，準繩冇錯！-不過to be fair，稍稍Google 荷蘭菜，最後發現本人係非戰之罪，荷蘭菜之所以喺我大腦中咁「空白」，除咗因為少接觸，其實亦因為-舊時嘅荷蘭人烹調手法簡單，簡單到連魚都只懂白恰……喺一個咁隨意而簡單嘅國度，飲食文化至70年代前都係被忽略嘅版塊。早午餐？麵包、鬆餅、牛奶、蛋、cheese同三文治就搞掂；dinner ？簡單的兩餸一湯都係薯泥、青豆湯、醃鯡魚、燉牛肉等「基本配備」，比農村菜來得更清淡，與法國的那種高級料理更扯唔上邊。好嘞好長氣，background information 講到呢度，仲可以睇到呢刻嘅朋友（首先感謝你嘅耐心）係咪同我一
「當你唔了解咩係荷蘭菜，其實畀個menu你都冇用。」
-
好欣賞個omakase menu ，好等多唔了解荷蘭菜嘅朋友能從更多角度品嚐與了解，唔局限於單一死板嘅standard menu內。
-
自問對荷蘭菜嘅了解匱乏，腦中彈出嘅只有Xmas 必食嘅 #Kerststol同埋細細個食嘅焦糖夾餅 #Stroopwafel…… what a shame🙈 正如主厨所講，畀個menu我落柯打，不如由厨師發辦，由淺入深帶領食客感受地道荷蘭菜，準繩冇錯！
-
不過to be fair，稍稍Google 荷蘭菜，最後發現本人係非戰之罪，荷蘭菜之所以喺我大腦中咁「空白」，除咗因為少接觸，其實亦因為
-
舊時嘅荷蘭人烹調手法簡單，簡單到連魚都只懂白恰……喺一個咁隨意而簡單嘅國度，飲食文化至70年代前都係被忽略嘅版塊。早午餐？麵包、鬆餅、牛奶、蛋、cheese同三文治就搞掂；dinner ？簡單的兩餸一湯都係薯泥、青豆湯、醃鯡魚、燉牛肉等「基本配備」，比農村菜來得更清淡，與法國的那種高級料理更扯唔上邊。
好嘞好長氣，background information 講到呢度，仲可以睇到呢刻嘅朋友（首先感謝你嘅耐心）係咪同我一樣對荷蘭菜零期待？Haha，坦白講荷蘭菜看似乏善可陳，但愈唔期待，反而發現新大陸！@the Dutch house 嘅大厨兼老闆，係當年喺大南街主打荷蘭菜嘅Holland House Bistro & Bar嘅主厨，不同嘅係the Dutch house 走更fine 更高級嘅餐飲路線，講究食物原材料同正宗烹調方法，尊重原味道而不枸泥小節，保留荷蘭菜嘅核心價值，但同時融入新派荷蘭菜嘅烹調巧思。
-
前菜最被 #炸香酥芝士牛肉球 驚豔到，用牛尾打成肉醬加薯泥包成我哋眼中嘅meatball形狀，炸得啱啱好入口香酥，一咬肉汁仲識bill出嚟，要講句「小心滾燙」！另外兩款 #阿姆斯特丹迷仔肉腸 同埋大家都識嘅🐟 #dutchherring，前者係 naked sausage 無腸衣，食落更加惹味，後者希靈魚用返最傳統嘅煙薰方法，絕對係功夫菜👍🏻！大厨仲拎咗支🥃The Bols 2 years aged Corenwyn，用佢餸個herring 比飲啤酒更一流！
-
Main course前再被個青豆湯二次驚豔🙈 睇落平凡但jap 落就知點睛位係個調味度，一厨加入煙肉腸去增加風味同僻腥，同時仲多咗份咸香少少meaty唔過份。細問下原來湯頭都係用肉去熬製，再加入青豆、蘿白、洋蔥同西芹blend成濃湯。呢個雖然荷蘭人多數冬天先會飲，但計我話我一年四季飲都咁fit！
白酒係🥂Oak Cask Chardonnay(Mendoza, Argentina)，果香較清新配海鮮最啱！Main 係 #荷蘭香煎鱸魚，肉質較結實，海鹽加lemon 簡單詗味，保留河鮮最原始嘅風貌；而 #荷蘭藍青口 同樣用最簡單嘅方法炮製，鮮味無比。最後 #雙重荷蘭芝士煎豬扒，係大厨兒時回憶嘅一道菜，mix with young 同 old cheese🧀，入口芝士香滿滿，兩種食材配搭基本上就係一抹童趣，味道recall返我自己童年食芝士焗豬嘅感覺。當然最大份別係前者用荷蘭厚切豬扒，肉質同香氣當然係兩種層次！
甜品係 #烤焗蘋果批，細細件配雪糕作結相當完美👏🏻
張貼
