古今二 (荃新天地)

營業中

休息中

一排冇食日本菜，諗起主打特色卷物嘅古今二，今日搵到朋友陪我食個late lunch。最愛都係配料簡單味道又合襯嘅金龍卷，炸蝦加三文魚係絕配，而且好味又抵食；今次仲叫咗未試過嘅蜘蛛，係軟殼蟹配上蟹柳、青瓜同牛油果，同樣係出奇地夾，朋友都大讚出色！自家製玉子燒即叫即整，入口又香又軟，質素唔錯。當然唔少得朋友至愛嘅燒茄子同芝麻雞翼，香口惹味，特別欣賞佢嘅雞翼醃得好入味，炸得酥脆之餘仲保持到肉汁，非常推薦！