影片
更多
2015-03-26
3442 瀏覽
聽聞呢間潮州菜館係九龍城區好出名, 之前一直話想去吃, 但最後都係1次都無去到, 之後仲不了了之添; 直到最近, 有朋友又再講起呢間店, 佢唔講我都差不多已經唔記得左lu, 直頭無左件事咁; 於是我地就打鐵趁熱, 即興係當晚放工後就去.... (but 無book位囉)我地去到都差不多7點半左右, 入到去眼見店內都唔係full, 仲有好幾張枱淨, 點知有個似係老闆的男人問我地幾多位, 跟住就帶我地去左張角落頭的圓枱, 我想講個位真是好迫夾囉, 同隔離果張枱癡到實一實, 頂住晒, 而且個冷氣凍到死, 又大風到死, 其實洗唔洗咁呀? 又唔full 但就要我地迫到咁凍到咁吃野, 真是未吃就扣晒分囉!!!! 朋友話呢d老店係咁ga woo, 叫我由佢, 如果唔係, 我實會叫佢換枱囉!!! 好, 講番食物先........其實未坐低已經見有3碟小食放係枱面, 有芥菜, 炸魚仔, 菜脯, 最好吃係炸魚仔, 雖然魚身凍左又淋左, 但無阻佢的香口, 魚肉的嫩滑口感, 好吃到不能停, 有d似小南國的炸黃花魚咁, 其次係芥菜都好吃, 最唔鍾意係個菜脯, 又鹹又黏一坐低, 阿姐就遞上功夫茶比我地飲, 茶
我地去到都差不多7點半左右, 入到去眼見店內都唔係full, 仲有好幾張枱淨, 點知有個似係老闆的男人問我地幾多位, 跟住就帶我地去左張角落頭的圓枱, 我想講個位真是好迫夾囉, 同隔離果張枱癡到實一實, 頂住晒, 而且個冷氣凍到死, 又大風到死, 其實洗唔洗咁呀? 又唔full 但就要我地迫到咁凍到咁吃野, 真是未吃就扣晒分囉!!!! 朋友話呢d老店係咁ga woo, 叫我由佢, 如果唔係, 我實會叫佢換枱囉!!!
好, 講番食物先........
其實未坐低已經見有3碟小食放係枱面, 有芥菜, 炸魚仔, 菜脯, 最好吃係炸魚仔, 雖然魚身凍左又淋左, 但無阻佢的香口, 魚肉的嫩滑口感, 好吃到不能停, 有d似小南國的炸黃花魚咁, 其次係芥菜都好吃, 最唔鍾意係個菜脯, 又鹹又黏
一坐低, 阿姐就遞上功夫茶比我地飲, 茶好夠熱, 好香濃, 澀口, 成個人即時醒晒, 飲1, 2杯就已經達到好削胃的效果啦, 勁!
呢度d阿姐好aggressive, 但我地都無理佢, 我地叫左:
鹹雞: 皮薄, 又唔肥, 肉質幾嫩滑, 又唔會太鹹, 鹹鹹地剛剛好, 吃到鹹香味, 讚!
鵝片拼鵝腸: 鵝片反而麻麻地, 有酥味; 鵝腸就幾爽口, 但腸內太多肥膏, 吃起上來比較麻煩; 另外鵝腸比鵝片的比例多好多, 感覺唔太抵
炸九肚魚: 好夠味, 好香口, 外面脆, 裡面的肉質超嫩滑, 而且唔係出面吃開果只1條條的九肚魚, 而係大大舊, 啖啖肉, 無咩骨, 吃起來超爽呀, 又夠熱辣辣, 真是超好味, 超讚, 簡直係無得頂, 強烈建議呢個必叫!
豉汁炒聖子: 炒得都幾野味, 唯一要講的係聖子細只左d 囉, 有少少失望
方魚炒芥蘭: 芥蘭爽嫩翠綠, 唔太鹹, 幾清新, 可見炒得剛剛好, 反而方魚融入唔到落個菜度, 有點格格不入的感覺, 而且又比較硬身
吃完晒所有野, 飽度適中, 阿姐好快就再奉上功夫茶, 呢次飲就岩岩好, 消下滯, 去下d肥膩感
今次係阿姐強烈推介下叫的:
清心丸薑薯糖水: 方圓型白色的清心丸吃落似淋淋地的蒟蒻, 無味的, 薄片的薑薯吃落就似爽身的淮山咁, 糖水甜甜地黏黏地, 2人share 1碗真是好夠啦, 我個人就麻麻地啦, 吃埋呢個就飽晒啦真是~
吃埋糖水, 阿姐問我地仲要唔要功夫茶, 我地話唔洗啦, 夠皮啦~
整體來講, 呢間潮州老店的食物係唔錯嘅, 仲keep到咁的水平, 我諗我會再來, 而且我仲有好多菜式都未吃到, 下次來一定會試下其他菜, 等我呀~~
題外話/補充資料：
我想講如果仲有位的話, 可唔可以唔好比d咁迫夾又冷氣大的位我地呀? 將心比己呀, 唔該!
(以上食評乃用戶個人意見 , 並不代表OpenRice之觀點。)
張貼
