影片
更多
2023-10-03
115 瀏覽
3個人行下行下街望到IG有page介紹，臨時臨急5點鐘打電話去book6點半至7點嘅枱，但係接聽嘅話暫時呢段時間booking太多，唔可以答實有冇枱，但係可以試下walk-in.。都明白晚飯時間，又要星期六晚。所以同朋友照樣去到門口，一去到真係多謝晒啲No show,Delay客，好快有枱。屬於聽天由命派嘅我，由得朋友自己慢慢係到選擇困難症。用左差唔多20分鐘，最後都係叫左個Set。Starter : 蟹糕牛角包牛角包好食，留意係牛角包好食，外脆內軟。蟹糕味道偏鹹，用牛角包點住黎食啱啱好。冇咩出奇地方。Main : 黑松露流心蛋Risotto 一人份量，夠黑松露香，risotto 口感偏軟，味道啱啱好。唔太鹹。Main : 半份威靈頓牛肉我見到佢，莫名奇妙地腦海裡彈出「熟口熟面」同埋「叫貨返黎」，所以無寄予厚望過。所以食落去果下唔知係唔係心理作用，硬係覺得同出面街買返黎果隻一模一樣難食。肉柴，酥皮好似受潮咁。令我要本着一個唔可以浪費食物心態，食晒佢。Main : 龍蝦伊麵落order果陣朋友問侍應，扁意粉好食定伊麵好食，侍應話伊麵會啱香港人口味，好，信你。點知出到黎，朋友見到佢即刻講:
屬於聽天由命派嘅我，由得朋友自己慢慢係到選擇困難症。用左差唔多20分鐘，最後都係叫左個Set。
Starter : 蟹糕牛角包
牛角包好食，留意係牛角包好食，外脆內軟。蟹糕味道偏鹹，用牛角包點住黎食啱啱好。冇咩出奇地方。
Main : 黑松露流心蛋Risotto 一人份量，夠黑松露香，risotto 口感偏軟，味道啱啱好。唔太鹹。
Main : 半份威靈頓牛肉我見到佢，莫名奇妙地腦海裡彈出「熟口熟面」同埋「叫貨返黎」，所以無寄予厚望過。
所以食落去果下唔知係唔係心理作用，硬係覺得同出面街買返黎果隻一模一樣難食。肉柴，酥皮好似受潮咁。令我要本着一個唔可以浪費食物心態，食晒佢。
Main : 龍蝦伊麵
落order果陣朋友問侍應，扁意粉好食定伊麵好食，侍應話伊麵會啱香港人口味，好，信你。
點知出到黎，朋友見到佢即刻講:「咁似我琴晚飲完酒，出黎果個鴨肉翅🤣」難為我仲要有畫面，呀😱
伊麵太淋，個汁太鹹，得啲幼蘆筍好食，3個人不停係到搵蘆筍食，好想成件事快啲完左佢。最後成碟3個人推黎推去，要去猜輸食左佢。心裡默念：「珍惜食物🙏🏻」
由於個玻璃胃發作，上甜品之前就閃開一陣。
返到位只係得返個甜品屍骸，朋友同我講明「唔好寄予厚望」😏
Dessert : 唔記得自己嗌左咩嘢，類似「海鹽焦糖Expresso牛角包」，極度懷疑佢係一個早餐黎，一步到位。係呢度要重新講多一次，佢地牛角包係好出色。呢個甜品得意位係佢有爆炸糖，唔知係唔係佢將岩鹽焦糖做成爆炸糖。用餐時間好短，因為趕住下場。
牛角包係出色，坐係窗果排位嘅景係靚。晚飯黎講，有啲唔夠喉但價錢尚算親民，在場嘅Staff服務都唔錯，可以下次試下午茶，完。
張貼
