餃掂手工餃子雲吞專門店

知道呢間連鎖餃子店都一段時間，最近去咗將軍澳分店試吓，味道都幾好喎～🥟龍鳳松茸雙湯餃 8隻 $92呢度嘅招牌餃子，餡料係黑白松露加豬肉，跟狀元九鼎湯。雖然價錢比普通餃子貴，但味道幾好，松露份量都多，豬肉新鮮，值回票價嘅！九鼎湯飲得出無味精👍🏻🥟香煎軟心芝士餃 7隻 $57餡料係芝士、粟米同豬肉，得煎餃無湯餃。個餡都幾多芝士同粟米，口感豐富，值得一試呀！🥟壽喜燒牛肉餃 煎餃7隻 $58第一次食呢款樣子，一咬落去超多肉汁爆出嚟，洋蔥香甜，牛肉甜甜地，都幾好食！四川涼皮 $32夏天就想食涼皮！所以叫咗嚟試試，涼皮都幾滑溜，但唔算好入味，浸耐啲汁食會好啲～黃金原味皮蛋 $28之前喺一間川菜店食過呢款黃金皮蛋，見到呢度有就試吓～口感比平時嘅皮蛋硬少少，蛋味都香濃，加埋醋汁食幾開胃～呢間餃子店有幾間分店，佢哋嘅招牌特色餃子都值得一試！