影片
更多
2020-10-11
1235 瀏覽
香港食嘅印度菜多數以北印度餐為主，就如重慶大廈內的平民印度餐館又或者中環荷李活道嘅印度fine dinning餐廳，都以北印度菜式為主，加幾道南印菜式。活蘭開咗已經差不多40年，就連印度領事都推薦。南印度菜式相對冇北印菜式咁辣，都頗適合香港人胃口。雖然係素食，但由於香料比較重，平時無肉不歡嘅朋友都唔會覺得太清淡。客人好像都以印度人為主。環境方面正正常常，都有卡位，常用嘅地方算係乾淨，但係例如窗台或者一啲角落位嘅清潔就做得唔係幾好，都有幾多塵。但咁樣呢，反而就覺得真係好似去咗印度。南印度菜式都唔係好熟，所以我只揀咗兩款廚師推介。Pani Puri渣米餅配薄荷汁係印度一個街頭好受歡迎嘅小食，渣米餅入面放入香料及薯蓉，再臨上薄荷檸檬汁，香口唔太辣而且夏天食就更感覺清涼。而且呢個汁料冇喺印度當地食嘅咁辣。Paper Masala Dosa呢個捲起來嘅煎餅直徑足足有兩尺長，好薄，有椰漿味，入邊有少少薯仔醃菜，配以三款汁料點來食，包括椰子酸辣醬、蕃茄酸辣醬同熱湯。咁大個餅到底一個人食唔食得晒？如果正常一餐飯一個人食應該係食得晒嘅，因為塊餅真係好薄。總括來講南印菜式唔止好好食，我仲覺得好好玩，食飯除
活蘭開咗已經差不多40年，就連印度領事都推薦。
南印度菜式相對冇北印菜式咁辣，都頗適合香港人胃口。雖然係素食，但由於香料比較重，平時無肉不歡嘅朋友都唔會覺得太清淡。
客人好像都以印度人為主。
環境方面正正常常，都有卡位，常用嘅地方算係乾淨，但係例如窗台或者一啲角落位嘅清潔就做得唔係幾好，都有幾多塵。但咁樣呢，反而就覺得真係好似去咗印度。
南印度菜式都唔係好熟，所以我只揀咗兩款廚師推介。
Pani Puri渣米餅配薄荷汁係印度一個街頭好受歡迎嘅小食，渣米餅入面放入香料及薯蓉，再臨上薄荷檸檬汁，香口唔太辣而且夏天食就更感覺清涼。而且呢個汁料冇喺印度當地食嘅咁辣。
Paper Masala Dosa
呢個捲起來嘅煎餅直徑足足有兩尺長，好薄，有椰漿味，入邊有少少薯仔醃菜，配以三款汁料點來食，包括椰子酸辣醬、蕃茄酸辣醬同熱湯。咁大個餅到底一個人食唔食得晒？如果正常一餐飯一個人食應該係食得晒嘅，因為塊餅真係好薄。
總括來講南印菜式唔止好好食，我仲覺得好好玩，食飯除咗味覺享受之餘，新鮮感同滿足感都係好重要嘅。
張貼
